أفضل طريقه للبرجر النباتي و اقربها لطعم اللحم

السلام

الطبق هذا نقدر نقول ” طبق إدماني ” من لذته بارك الله

كل يوم اقاوم نفسي عشان مااسويه كل 5 دقايق من جد اعجبني من قلب

و مكوناته مبسطه و سهله و علاجيه

علاجيه ؟

لأني اضفت فاصوليا الازوكي الخارقه , جدا مفيده للكلى ، و معنى كلمة ادزوكي اصلا ” شافي الكلى ” و الشافي ربي

و مليانه بروتين و أنزيمات كامله تغني عن اللحوم

موجوده عن السوبرماركتات اللي تبيع مستورد و موجوده عند اي هيرب ( إذا ضغطتوا عالصوره يفتح لكم رابط اي هيرب )

Bob's Red Mill, Adzuki Heritage Beans, 28 oz (793 g)

ماهو مكون اساسي عشان يكون البرجر لذيذ ، لكن لزيادة القيمه الغذائيه اذا توفر هذه طريقه له ?

حتى للناس اللي مش نباتيين ، مايمنع تجربونها للتغيير ، أقولكم اللي مايجربها بيفوته الكثيييير

بالواقع جربت كثير طرق للبرجرات النباتيه تطلع لذيذه لكن مو نفس طعم اللحم ، نفس الفلافل اذا صار مع حمص ، نفس الكباب اذا صار معه كثير بهارات و بصل و ثوم و كزبره و بقدونس

هذا البرجر طعمه بشبه اللحم بشكل يصصصصدم ماشاء الله ?❤❤

أنا اسوي منه كميه و اسويها اقراص واحطها بالفريزر ، يصير اذا بغيت اخذ قرص و احمره بفرن شوي و يكون جاهز

البطاطس اللي سويته معه طريقته هنا بطاطس بالفرن طبق كل يوم

و الكميات حسب ذوقكم و الكميه اللي حابين تسوونها و اللي متوفر مافيه قواعد

المقادير /

  • ٢ ك فاصوليا متنوعه ( اللي متوفر من : فاصوليا حمراء ، سوداء ، بيضاء ، ازوكي )
  • بصله مفروم
  • ١/٢ ك فطر طازج < و هو السر باللذه
  • ١/٤ ك كزبره طازجه
  • بهاراتكم اللي حابين
  • ربع ك رز مصري مطبوخ
  • ٤ م ك شوفان مطحون أو اي نوع طحين ( الكميه ممكن تزيد حسب الحاجه )

الطريقه /

  1. تطبخ الفاصوليا اذا كانت ناشفه ، أو تنقع بماء و ملح اذا كانت معلبه للتخلص من اثر المواد الحافظه
  2. نشوح البصل بشوية زيت زيتون ثم تضاف البهارات و الفطر لمدة 5 دقائق أو حتى يذبل المزيج ثم تضاف الكزبره و نطفي النار
  3. بمحضرة الطعام نضيف خليط الفاصوليا و مزيج البصل و الفطر و الرز و الطحينو  نخلط
  4. يشكل على اقراص و يوضع بالفريزر حتى يجمد
  5. وقت الطبخ يرش عليه طحين ثم يشرح بالمقلاه مع قليل زيت او بمقلاة غير قابله للالتصاق بدون زيت مدة دقيقه لكل وجه ، فقط للتحمير

ملاحظات بخصوص الطبق :

المزيج طبيعي مايكون متماسك مثل اللحمه ، بيكون قوامه تقريبا قريب لقوام الكفته عادي هو كذا

و ضروري تحطونه بالفزيرز عشان يتماسك اكثر بعدين تشوحونه عالنار عشان مايتفكك

 

بالعافيه ، بشروني بالنتايج اذا سويتوه ?

21 تعليقات
  1. نونه يقول

    السلام عليكم
    جزاك الله كل خير على الوصفه
    اقدر استبدل الرز المصري بالرز الاسمر ؟

  2. Manal يقول

    مرحبا
    بس حبيت اسأل ينفع احطهم بالفرن مشوي والا لا

  3. nonetta يقول

    يب ، لكن مارح ينشف مثل اللحم عموما

  4. حسين الهندي يقول

    لو أضفنا البقسماط للوصفة هل ممكن يتماسك أكثر؟

  5. نوره يقول

    شو بديل الفاصوليا للناس اللي عندهم تكسر بالدم؟

  6. امل يقول

    السلام عليكم المقادير بعد السلق صحيح ..لاني سويت نفس المقادير قبل اسلق وطلع مو مره وكثييير

  7. nonetta يقول

    هذا اللي حرصت اقدمه بمدونتي قدر الأمكان ، احنا عندنا مصادر صحيه متجاهلينها و مركزين عالمستورد ، فيه اشياء مااقدر اسوي لها سكيب :d ، لكن احاول قد مااقدر اشارككم الوصفات اللي مكوناتها موجوده عندنا عشان مايكون فيه عذر للبعض انه مانقدر ناكل صحي
    نورتيني ساره

  8. nonetta يقول

    نورتيني مهاوي

  9. ساره يقول

    حبيت البساطه بالمكونات وتوفر المنتجات في بلدنا، والله تعبت وانا ابحث عن وصفات واشياء نباتيه كلها وصفات من مكونات مستورده، شكرا جزيلاً نونيتا وراح انصح الجميع بلا استثناء بالمدونه?

  10. mhawy.. يقول

    رائع نورة يعطيك العافية ???

  11. nonetta يقول

    اللي تبين عزيزتي ، تبين نوع تبين كل شي ماحددت انا عادي

  12. ام نبراس يقول

    يعني الحين نختار نوع واحد من الفاصوليا ولا كل الانواع نستخدم

  13. ابتهال يقول

    يعطيك العافية حبيبتي بس ممكن مقدار الفاصوليا والفطر ؟؟

  14. حنان يقول

    طيب كم تقريبا الفاصوليا كم احط ماعرف بدون مقادير??

  15. nonetta يقول

    هو كذا حبيبتي مايكون متاسك مره

  16. امل يقول

    سويته وغلب على طعمه الفاصوليا أكثر الظاهر زادت كميتها
    و قوامه طلع مثل الخضار المهروسه مره لين كيف ممكن أتغلب على هالمشكله ؟؟

  17. Hala يقول

    لذيذه الله يسعدك ع هالوصفة

  18. nonetta يقول

    نورتيني ياحلوه

  19. nonetta يقول

    اذا مو مطبوخه نعم ، موشرط لكن افضل

  20. ريم يقول

    مرحبا

    استفسار بسيط عن الفاصوليا
    اشتريت كل الأنواع اللي قلتي عنها وذكرتي انها تنطبخ او تنسلق بماء. السؤال هو هل يحتاج انقع كل الفاصوليا قبلها بيوم؟

  21. Koki يقول

    يحمممس .. بجربه باذن الله
    وجاري البحث عن هالفاصوليا العجيبة اللي اول مره اسمع فيها هههههه

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.