فيه كثير قواعد بالحياة ( و بالأكل تحديدا ) رسمناها لأنفسنا و مشينا عليها حرفيا بدون مبرر ، و بخوف كبير من التغيير فيها
مثل الغدا بدون لحم :| الفطور بدون جبن ، المكرونه بدون باشاميل ، المرقوق بخضار ، السليق بالرز الأسمر و حليب جوز الهند ، كب كيك الكوسا D:
و كل هالأشياء ممكن تصير لكن عندنا تخوف من التجديد دائماً
و اذا جربنا ممكن ننصدم من النتيجه اللذيذه ، و نقول شاللي حادنا على هذيك القواعد D:
اليوم التغيير اللي سويته أني سويت الباميه مشويه و بدون مرق طماط
و بمكس نكهات تصيييح من اللذاذه ??
أنا متأكده أنكم بتتحمسون معي و تسوونه علطول خصوصا أنه سهل جدا
الطريقه استوحيتها من طبخه هنديه قريبه من المكونات اللي سويتها بس مع سبايسي و طماط و مقليه
و أشوف الأجانب اللي مايعرفون عن الباميه يشوونها لحالها مثل البطاطس
و بالطبع أنا سويت النسخه الصحيه و اللذيذه جدا جدا منها
حلوه كمقبلات ، مع الرز ، مع الخبز ، مع السلطه
المكونات /
- 2 ك باميه طازجه ( اذا مجمده خلوها لما تذوب تماما و تنشف شوي )
- 1 ك رمان
- عصير ليمونه كامله
- 3 فص ثوم مهروس
- م ص خل ابيض
- ملح و فلفل
- حفنة كزبره
تخلط جميع مقادير الصلصه بالخلاط حتى نحصل على لون وردي لذيذ
يصب الخليط على الباميه و يحرك جيدا حتى تمتزج المكونات
يوضع بالفرن على حرارة 380ْ لـ نصف ساعه
يقدم مع الارز أو السلطه أو الخبز
عوافي ?
فكره حلوه بعد ، بغض النظر عن سبب امنتاعك عن السكر بس معلومه يمكن تهمك و تفيدك : ١٠٠ جرام رمان فيه فقط ١٣ جرام سكر احادي بسيط
و ١٠٠ جرام شمندر فيه ٧ جرام سكر احادي بسيط بعد
نورتي ، و بشريني اذا طبقتيها
يمي يمي يصير احط شمندر بدل الرمان ممنوعه من السكر