أسهل وصفه ممكن تعملونها للاطفال و الكبار ، لما أكون محتاره ايش اطبخ و أبي العائله ياكلون خضار أكثر اعملها لأنه السر بيكون بالصلصه اللي مليانه خضار بالتالي فيتامينات اكثر ، خصوصا لو عندك طفل يطلع حبات الخضار من الطبق 😆 بهالوصفه لا مجال لعمل ذلك و بالعكس رح يستمتع فيه و مايدري أنه الصلصه هي خضار اساسا
بتاكلين بدون تأنيب ضمير أنه ماكفيتي حصتك للخضار اليوم كذلك ممكن نفس الصلصه تعملينها للماك اند تشيز خصوصا لما تضيفين كركم للصلصه بحيث تصير صفراء مثل التشيدر
الباستا الايطاليه اللذيذ ، طبعاً تقدرون تسوونها بأي نوع باستا مفضل عندكم ، أحب اسخدم خالي الجلوتين اللي يصير بالسرغوم أو الذره أو العدس ، و اذا مالقيت اخذت اللي بالقمح الكامل ، و اذا مالقيت اخذت حق السوبر ماركت العادي اللي بسميد القمح القاسي ، الحياها سهالات ناخذ حسب افضل الموجود حولنا
وين نلقاه ؟ أغلب السوبر ماركت اللي يبيعون منتجات صحيه و مستورده
الحياة بساطه ماأحب نعقدها على أنفسنا أكثر اللي تلقينه متوفر عندك حياه الله و نحب نشتري الأفضل لصحتنا أكيد لكن لو ماحصل .. إيش المشكله ، نستمتع بالمتاح و نحاول قد مانقدر نزيد حضه الخضار في حياتنا لأنها الأساس طالما هي موجوده فـ أحنا بالسليم ، هذا التوجه اللي وصلت له مؤخرا و اللي شفت منه نتيجه فعليه و الحمدلله المتدربات معي بالتدريب الصحي قدروا يطبقونه و مبسوطين منه ( من هنا باقات التدريب )
الصلصه هي السر اللي بيكون ملغم خضار بشكل خفي لكن لذيذ و ممتع
نروح لوصفه الصلصه أول :
- نصف راس قرنبيط أو زهره مسلوقه او بالبخار
- بطاطا مسلوقه
- ممكن اضافه فجل ابيض و بصل ابيض مسلوقين
- كوب حليب ( ماعز أو كاجو أو لوز غير محلا )
- فص ثوم
- البهارات المفضله ( كمون – بهار ابيض – فلفل ابيض و ملح زعتر زورماري بابريكا )
تخلط بالخلاط لين يصير قوامها كريمي جميل
اذا كانت خفيفه يضاف لها تبايوكا و تتسخن شوي لتثقل و اذا ثقيله يضاف ماء زياده ( من ماء سلق الباستا )
ممكن اضافه بارميزان أو بهار الخميره الغذائيه
الوصفه مع المقادير :
- يسخن القدر و تضاف الزبده قم يضاف البصل المفروم و الثوم و يقلب
- تضاف بهاراتك المفضله ( ممكن خليط الباهارات الايطاليه او بهارات البيتزا )
- يضاف الدجاج المقطع صغير و الفطر
- تضاف الخضار المفضله مقطعه صغير ( بروكلي – فلفل رومي – كزبره )
- يقلب دقائق لين تقرب الخضار للنضوج
- تضاف الصلصه البيضاء و الباستا المسلوقه مسبقا
- يترك على نار هاديه لين تنضج الخضار و تتماسك الصلصه و تندمج مع الباستا
يقدم
[…] idea is that you fry all these vegetables with butter and let them cook for 15 minutes on a low heat, then mix them with a blender, and in […]