الخبز الصحي بالعسل ؟

 

كتبت عنوان طويل لكل مصطلحات هالاكله ، بعدين مسحتها كلها و كتبتها بالعربي فصحى ? كذا يجي ؟ ?

المصابيب ، المراصيع ، الرغفان ، الخبيزات ، المصابيب ، هذه بس مسمياتها بلهجات السعوديه لحالها ماشاء الله مدري عن بقية العالم ?

و أتوقع  انها اكله تقليديه لابد ماتكون موجوده بأغلب العالم

أكلة اجادانا و اللي عاشوا عليه اغلب الشعوب

الأكله اللي خلتهم مايحتاجون أطباء و مستشفيات و ادويه ، عمروا هذه الأرض بيدينهم و قوتهم

مثل ماأقول بكل وصفه شعبيه انقلها

ماعندي اييي مشاكل مع الاكلات الشعبيه بالعكس ،، هي اصل الغذاء

المشكله فينا احنا و بتعديلنا عالاكل و اعتمادنا على الاكل المصنع و المعالج

الوصفه قريبه للبانكيك لكن ابسط و اسرع و اسهل

و لها نكهه فيها حنين و حميميه ، الأكله اللي دايم تذكرنا بجداتنا

سويت الوصفه بدقيق الدخن المفيد جدا ، و مناسب للوصفه هذه يعطي نكهه لذيذه له

المكونات /

• 1 ك طحين دخن .

• 1/4 ك طحين بر

• بيضه ( اختياري )

• ملح

• ك حليب لوز

• م زيت زيتون

الطريقه /

1. تخلط جميع المقادير

2. تصب بالصاج على نار وسط ، تقلب بعد دقيقتين او حتى تتحمر

3. يقدم مع العسل و الزبده الطبيعيه .

عافيه