اهلا و سهلا
الساونا الضوئيه أو الحمراء ، نوع من أنواع الساونا ، لكن بالضوء الأحمر
ليش نحتاجها ؟
كثرة تعرضنا للأضواء الزرقاء من الـ LED و شاشات الكمبيوتر و التلفزيون و الجولات
كذلك قلة تعرضنا للشمس ، مو عايشين تحت الشمس مثل أهل أول
هالشي يلخبط التوازن الاشعاعي اللي يحتاجه الجسم
و هذا اللي يزيد الأمراض و التعب و يصير عامل مساعد لقلة المناعه و الامراض
فوائده /
- تجديد الشباب البشره .. الوجه و الجسم ( حتى للبطن المترهل بعد الحمل ) عن طريق ضخ الدم بشكل أكبر للجلد ، بالتالي اكسجين اكثر و تجديد للبشره بشكل أسرع و فعال .
- التخلص من السموم عن طريق التعرق و تنشيط الكلى و الكبد الجهاز اللمفاوي.
- يعطيك نفس فوائد التمارين الرياضيه من ناحية تحريك الدوره الدمويه و تقوية القلب و خفض ضغط الدم المرتفع و تحسين الشرايين
- مفيد لحساسيات الجلد
- كذلك مفيد لالتهاب المفاصل و يخفف ألمها بشكل ملحوظ
- التخلص من احتقان الأعضاء ( اللي يكون سببه التوتر و الإجهاد النفسي و البدني )
- تثبيط الجهاز العصبي السمبثاوي ، يعني نفسيه ريلاكس و هاديه أكثر
- توزيع الأكسجين أسرع للخلايا
- تحسين المشاكل اللي سببها إجهاد ، مثل إجهاد العين أو العضلات ، يشافيها بالتالي تحسن بالبصر و تحسن بأداء العضلات
- يحرق الدهون
- يقلل السليوليت
- ينشط الأيض
- يحفز الميتوكندريا و هذه نقطه مهمه جداً خصوصا في ظل الظروف اللي بالعالم الحين و انتوا فاهمين علي
- يزيد القوه و التحمل ، لتحفيزه هرمون النمو و الاندروفين
شايفين كمية الفوائد ؟
هذا اللي يخليني أقول لازم يوجد بكل بيت ، رح يستفيد منه الصغير و الكبير ، لأغلب الحالات مناسب
مفاصلك تعورك ، طقي اللمبه و اقعدي عندها ، بطنك يألمك ماتدرين من ايش ، وجهيه على بطنك و هو يعرف يتصرف 😃
تجربتي المتواضعه معاه
شعوره مريح جداً مثل الكماده ، أقاوم أني مااقعد عليه أكثر من ٢٠ دقيقه ، علطول اصير ريلاكس و انا قاعده عليه ، لاحظت صفاوة بالتفكير ، ذاكرتي متحسنه ، متى عرفت ؟ و أنا احط بيانات الفيزا بأحد المواقع لقيت اني قريت الرقم من البطاقه و فورا نقلته بدون ماارجع للبطاقه كل شوي 👏😆
يعطي نشاط و طاقه للانجاز باقي اليوم ، بدليل اني تكلمت لكم عنه و رجعت أدون الحين 😁
نظري متحسن ، و بشرتي كثير متحسنه و لونها صاير مورد ( طبيعي عشان ضخ الدم للبشره )
يريح ألم المفاصل كثير ، جربته مع شد العضلات بعد التمارين راح ألمه بعد جلستين
تحسن جودة النوم ، صايره دجاجه من تجي ٨ يطيح راسي أنام و أنا قبل كنت أواجه صعوبات بالنوم ، و أنام نومه عميقه مو مقطعه ماشاء الله
أكيد مع الاستمرار بشوف نتائج أكثر ، لكن هذا ريفيو سريع عنه
تعليمات الإستخدام /
- مانقعد قدامه أكثر من ٢٠ دقيقه ، معليش أدري مريح و دافي مثل الكماده بس خلاص حطي مؤقت و لا تقعدين أكثر من ٢٠ دقيقه عليه عشان مايقل الالكترولاين و ينزل ضغطك ، اذا تبين تسوين عند اكثر من منطقه بجسمك تقدرين تتنقلين بين المناطق خلال هذه العشرين دقيقه . مثلا ١٠ دقايق بالظهر و ١٠ دقايق بالبطن ( مثال بس )
- مهم الضوء يلامس الجلد مباشرة ، يعني بدون ملابس ، يكون قماش اللبس شيفون
- يفضل تاخذين شاور بعد الجلسه لأنه بتعرقين و العرق هذا سموم طلعت أفضل تتخلصين منها عشان مايرجع يمتصها الجلد
- أفضل تسوين الجلسه و أنتي قاعده ، و اذا منسدحه ( مستلقيه ) أفضل و أفضل ، كلما كنتي ريلاكس بالجلسه كلما لقيتي فوائد أكثر
- ممكن تسوين تمارين تنفس خلال الجلسه
- احسن ماتوجهينه على راسك أو عينك
- الضوء يبعد عنك أكثر من ٣٠ سم ، اذا حسيتيه حار عليك خليه بالبدايه بعيد شوي بعدين شوي شوي قربيه
- عادي كل يوم ، مايفرق الوقت اللي تسوينه فيه صباح أو ليل ، لكن قبل النوم أو أول ماتقومين من النوم هم افضل الأوقات اللي تكونين فيها ريلاكس
- أحتمال ماتعرقين من أول جلسه إلى شهر من استخدامه طبيعي و جسمك رح يضل يستفيد
محاذير الاستخدام /
ماينفع للأطفال تحت ٥ سنوات
ماينفع للحوامل
ولا اللي يستخدمون مكمل نياسين ، لقوا انه يتفاعل مع الضوء الأحمر بالسلب
من وين ؟
تلقون اللمبه بمحلات الأجهزه أو بالإنترنت ، ممكن فيليبس او GE أو ساتكو ..
لازم تكون فوق ٢٥٠ واط عشان تحصلين على القيمه العلاجيه
اللمبات الحمراء التجاريه مافيها قيمه علاجيه كبيره لأنها ٤٠ أو ٦٠ واط ، و بالعاده تسوي محيط اشعاعي عالي و هذا سلبي
و ناخذ القاعده أو المصباح حقه ، ضروري بعد نتأكد أنه بيتحمل اللمبه الحراريه ٢٥٠ واط و أكثر ، لأن أغلب الأبجورات ماتتحمل اللمبات الحراريه فـ لازم تكون مخصصه له
و لتسهيل الموضوع عليكم ارفقت المنتجات المرشحه من د ويلسون بمتجري تقدرون تطلبونها من هناك اذا مالقيتوها بالنت او بالمحلات القريبه منكم
من هنا
مراجع /
https://drlwilson.com/articles/sauna_therapy.htm
https://drlwilson.com/articles/SAUNAS-NEAR%20VS.%20FAR%20I.htm
https://drlwilson.com/articles/SAUNA-FAR%20INFRARED.htm
