https://www.iherb.com/?rcode=WLC948

مرحبا

اي هيرب أكثر موقع فيه مصادري الصحيه ، لأنها فيه بأنواع كثير و اسعار ارخص بكثير من هنا

الموقع يوصل دايريكت عالسعوديه بالدي اتش ال

و تقدرون تدفعون بالفيزا السعوديه و اللي قابله لشحن الرصيد

كيف نطلب من اي هيرب ؟ حطي كل اللي تبن بالسله ? اضغطي تابع الدفع ? عبي بياناتك و عنوانك ? تأكيد ? انتظري شحنتك توصل

بس بهذه البساطه مااعتقد يبيلها شرح و صور ? و اذا مافهمتوا علي شوفوا يوتيوب و جوجل مليااااان شروح و بالصور و الفديو

طيب

المفضلات اللي احبها و غالبا ماألقاها هنا او تكون موجوده بأسعار مبالغ فيها ، يعني انا ماعندي مشكله ادفع عشان صحتي لكن مو باستغفال مثل الوضع اللي صاير عندنا بالسوق ?

هذا موقع اي هيرب

و هذا كود التخفيض حطوه قبل الدفع و يجيكم تخفيض  ٥٪ او ١٠٪ لبعض المنتجات :WLC948

و كل منتج اضغطوا على صورته و يفتح لكم رابطه بأي هيرب

المنتجات العلاجيه :

أيونات الفضه ، مضاد حيوي ، علاج للحروق ، يساعد على إلتئام الجلد و وقف النزيف ، مضاد للبكتيريا و الفطريات ، معقم ، لدغات الحشرات ، مضاد إلتهابات ، للأكزيما خصوصا اذا تهيجت ، لحساسيه العين و تهيجها ، للمناعه ، طرد السموم الثقيله

كل هذه الفوائد و فوقها أنه آمن ١٠٠٪ و بدون اعراض جانبيه

أيونات الفضه من الأشياء اللي لازم تكون بكل بيت ، من ٣ سنوات و أنا كلما خلص من عندي اشتري ثاني ، حبه بغرفتي حبه بالصاله حبه بالمطبخ حبه بشنطتي

ممتاز بعد بالسفر بدل ماتاخذين شنطة اسعافات اوليه ، هذا كل اسعافاتك

و عن تجربه ممتااااز جدا و فعال لكل الأشياء اللي قلتها ، تقدرون تبحثون و تقرون عنه اكثر ، حطيته اول مفضله لأنه اهم واحد

فيه نوع جل ، فيه سائل بخاخ ، الجل مثل اللي بالصوره استخدمه لاستخدامات الخارجيه مثل الجلد و غيره

البخاخ استخدمه داخلي داخل الفم لالتهابات اللوز مثلا و الجيوب الانفيه و الأمراض و غيره

 

مكمل لطيف جدا للجمال ، اخذه مع شيك البروتين شوفوا ميزاته بالموقع قوي جداً

 

شراب الصبار أو الألوفيرا

ممتاز بالدرجه الأولى لعلاج الجهاز الهضمي و القولون

فيه اكثر من ٢٠٠ قيمه غذائيه من فيتامينات و معادن

استخدمه دايم اذا صار عندي اي مشكله بالجهاز الهضمي : غثيان تلبك صعوبة هضم قولون

اذا خربتها بيوم بأكلي و حسيت بطني مو تمام شربته

ادخله بنظامي مع الديتوكس جدا ممتاز للتطهير من السموم

طعمه ؟ مثل الخل ، مر جدا اخففه بماء و اشربه بسرعه

فيه انواع باهيرب تجي مع منكهات و كذا

 

 

 

باكيج عشبة القمح

فوائد عشبه القمح خارقه جدا

ممتاز لتطهير الجسم من السموم و الاشعاعات و مأجج بالفيتامينات و الفوائد ، هذا الباكيج فيه ٧ أظرف كل نوع له فائده مثل الاساي و الليمون و غيره لكن كلهم عشبة قمح

استخدمه اذا بسوي ديتوكس لازم يكون داخل فيه عشبة القمح

 

زيت النيم

هذا بديل الفيسودين عندي

ممتاز لعلاج اي مشكله بالبشره

يشيل الاكزيما و آثارها بإذن الله

للحبوب و التقرحات و اي مشكله بالبشره يعالجها

حتى حب الشباب ممتاز له لو تحطينه كل يوم قبل النوم تشوفين مفعول قوووي بإذن الله

انصح فيه لكل بيت اقروا عن النيم كيف مفيد

عيبه انه ريحته غير مقبوله شوي

 

اقدر اقول بديل للميبو ، حتى قريب من تركيبته العشبيه و ريحته ، لكن مع ايونات الفضه و المره يعني مفعول اقوى في ترميم الخلايا

للحروق و الجروح و بعد العمليات كذلك مضاد التهاب و معقم ، امن و مفعوله جميل من الاشياء اللي مهم تكون بكل بيت

 

• إزالة السموم الغذائية – يربط مبيدات الأعشاب وغيرها من المواد الضارة المحتملة عن طريق الامتصاص.
• أقصى نشاط – مساحة سطح معززة، تركيبة ماصة مثالية.
• أقصى درجة نقاء – مادة البنتونيت فائقة النقاء.

بنتونيت صافي عظيم مكون خصيصًا ليقدم أقصى قدر من المنافع من البنتونيت. Great Plains هو مكمل غذائي يعد مصدرًا للمعادن يربط المواد غير المرغوب فيها والمواد غير الغذائية مثل مبيدات الأعشاب وغيرها من المواد الضارة المحتملة بحيث لا تبقى في الجسم.. آلية عمل بنتونيت مادية، نظرًا للهيكل الغرواني والجسيمات المشحونة. المساحة الإجمالية الاستيعابية لامتصاص لكل جرعة تتألف من ملعقة كبيرة من بنتونيت Great Plains تبلغ أكثر من 900 ياردة مربعة. Great Plains هو بيتنونيت ينتج بشكل طبيعي مع التركيب المعدني المناسب للحصول على القدرة القصوى على إزالة المواد غير المرغوب فيها.

من الموقع ،، استخدمه لما احس تسمم او لما اخربها بالاكل او احس بطني ليس على مايرام

 

منتجات تجميل و عنايه :

أنا وحده اعاني من هالات تحت عيني و هالشي وراثي ، فأضطر اني كل يوم احط كونسيلر للدوام او البيت او المشاوير السريعه ، كنت ابي كونسيلر خفيف عالبشره يصلح يومي و مايزيد الطين بله و يزيد لي الهالات

جربت كلارنس و غارنييه و غيره من المنتجات العلاجيه لكن ماشفت هذاك المفعول

هذا أكثر واحد ناسبني ناسب لوني ، خفيف و مكوناته نظيفه و خفف لي الهالات ، يعني ماأجمل أنك تحطين ميك اب بنفس الوقت تغذيت بشرتك

مشكلته انه دهني و ماتمتصه البشره بسرعه ، لكن للدوام او البيت او شي سريع يمشي الحال

مسكارا علاجيه بزيت الخروع و مكونات عضويه

خفيفه و ممتازه للدوام والاستخدام اليومي ، تحطينها و انتي مرتاحه انها مارح تطيح رموشك

لاحظتها طولت لي رموشي ٤٠٪ تقريبا

عيبها انها خفيفه مره و تروح بالماء و مايجي نص اليوم الا و هي رايحه < طبعا هذه مميزات بالنسبه لي ?

 

ملمع بمواد طبيعيه لمعته قويه و فيه لون خفيف و مرطب ، اللمعه من زيت السمسم و زبدة الكاكاو ، و فيه زيت شجر الشاي يعني مضادات اكسده للشفايف ، كثير جميل و معتمد عندي للمناسبات و الدوام

 

كذلك هذا المرطب المعتمد عندي للبيت و الدوام او الطلعات الخفيفه ، لونه جمييييل كثير ناسبني ، لونه يقعد وقت طويل مثل التنت ، ترطيبه خفيف لكن جميل و الاهم ، مايشقق الشفايف

 

تونر للبشره بالصبار و ماء الورد بدون كيماويات و كحول

ممتاز للبشره الحساسه ينظف البشره من قلب

و هو سر من اسرار صفاء البشره جدددا يفرق مع بشرتي

هذا غسول فموي

ريحته حلوه جدا مو فل نعناع ( ماأحب ريحة النعناع بالمعجون او العلوك ? ) هذا فيه حرارة من زيت شجرة الشاي

مفعوله حلو بتعقيم الفم و الوقايه من التسوس ?

خالي من الفلورايد و الكحول و المصنعات

فيه زيت شجرة الشاي المعروف للتطهير و الالوفيرا و مواد طبيعيه مثل كذا

افضل معجون اسنان جربته

مافيه ريحة نعناع قويه وطعمه حلو

مفعوله للتبييض و التنظيف ممتاز

١٠٠٪ عشبي و طبيعي بدون مواد كيميائيه ابد حتى مايطلع رغوه كثير دليل انه مافيه SLS

فوط صحية قطن عضوي ١٠٠٪ بدون كيماويات و مبيضات و محسسات للبشره و الرحم ، هالنوع جدا مريح و امتصاصه ممتاز

 

بخاخ زيت المغنيسيوم للجسم

هو استخدام خارجي بالجلد و نسبة امتصاص المغنيسيوم بالجلد اعلى من المعده

ممتاز للي فيهم نقص مغنيسيوم بسبب استهلاك الاجبان

و لشد العضلات عند الرياضيين او عند الارهاق

هذا رفيق السفر ، تعرفون كثرة الجلوس بكرسي الطياره او السياره تخليك توصلين مشدود ظهرك ، فـ هذا ممتاز علطول يرخيه

وقت العمره و الحج لابد منه بعد المشي الطويل بالعمره ( أبي مكه ?) تحطونه قبل النوم و تقومون من النوم مافيكم ألا العافيه بإذن الله

افضل من الكريمات اللي تسكن العضلات ، الكريمات اللي تسكن العضلات تسكن الألم بس ماتشيل أصل المشكله

هذا الزيت يشيل أصل و سبب الألم بإذن الله

اول ماتحطينه يقرررص بالبدايه بعدين يروح طبيعي جدا

املاح مغنيسيوم

ممتااااااازه للأسترخاء و النوم العميق ولعلاج شد العضلات المدح فيها مايوفي ابد ابد بيتي مايفضى منها ??

 ملح الابسوم العالي بالمغنيسيوم لنقص المغنيسيوم و ارخاء العضلات و الاعصاب

تحتااااااجووونه ياأمهات

هذا اللي يواسيني  بعد يوم متعب مع البيت و الأطفال

ممتاز للرياضيين علطول يرخي العضلات المشدوده و حجمه كبير يكفي وقت طويل

بكتيريا نافعه ممتازه للهضم ، و الامعاء ، لامتصاص الفيتامينات و مشاكل القولون

 

هذا بديل طبيعي للفكس

ريحه تجنن تجنن تجنن علطول تفتح الخشم و ماتبقي أثر لريحته ، تعرفين اذا بتطلعين دوام او شي و بعد ماتكونين حاطه فكس ماتبين تفوحين فكس بالمكان ?

فـ هذا ريحته راائعه فيه زيت النعناع و الكينا ، اللي هم المكون الفعال في الفكس

و نفس مفعوله اذا مو أفضل

و طبيعي ١٠٠٪ لحالات الزكام و الكحه و الانفلونزا و غيره

صار معتمد عندي بالصيدليه المنزليه ?

 

شامبو الأطفال بدون مواد خطره و كيميائيه

معروف بشرة الأطفال هي اكثر شي تمتص المواد السامه من الجلد من كريمات او شامبوات

فـ هم اللي لازم نحرص عليهم أكثر أننا مانسخدم لهم ألا منتجات طبيعيه

هذا الشامبو ريحه جميله باللافندر تخليهم مسترخين ، خفيف و يخلي شعرهم مرطب و ناعم و يلمع لأن فيه زيوت مثل زيت اللوز

أفضل شامبو جربته لهم

عبوته كبيره و سعره ممتاز

مزيل عرق بمكونات طبيعيه تماما بدون كيماويات مضره و أمن للبشرات الحساسه و الحوامل و الصغار و للكل

جربت كثير مزيلات عرق طبيعيه من يوم دخلت بالصحه ، مو شوي ، كثير تقريبا اغلب الانواع مرت علي و اعطيتها حقها بالتجربه

اذا اخترتي مزيل عرق طبيعي مافيه مفعول ٢٤ ساعه مثل التجاري ، لازم يتجدد كل شوي ، يعني تقريبا كل ٤ ساعات و حولها

لكن هذا ، تفوق على كل اللي جربتهم ، مافيه ريحه عطر ( مااحب ريحة العطر بمزيلات العرق ) و خفيف جدا عالبشره مايسوي تحسس و غيره و حمايته ممتازه ، صار معتمد عندي و كلما خلص طلب جديد احسن منتج جربته ?

زيت شجر الشاي الاساسي

ديتول الصحيين ? معقم لكل شي نحتاج نعقمه ، امن ١٠٠٪

للبيت للبشره للمفارش للملابس ، طبعا هو زيت اساسي مركز فـ يخفف بالماء مثلا و ينحط بالبخاخ لتعقيم الاسطح و الوسائد مثلا ، ينخلط مع اي كريم او زيت للجسم لتعقيمهاو للفطريات ، توضع كم قطره منه مع صابون الملابس للتعقيم و هكذا

زيت الجوجوبا للشعر و لترطيب فروة الرأس

يمه يمه يمه رييييحته 😩💕

تجنن تجنن ريحة سبا كذا عطريه عشبيه ، فيها روز ماري و لافندر تسوي ريلااااااكس و مساااج للراس و التفكير 💕 باين وش قد أنا مفتونه بالريحه 💕

طبعا للي تحب الروائح العشبيه بتعجبها ، فيه بريحة الرمان كذلك و فيه نوع ثاني اعتقد بدون ريحه

نتيجته ، رااااائعه ، مانشك بفعالية و روعة زيت الجوجوبا للشعر طبعا ، نتيجته من ناحية لمعه و تطوير الشعر و ترطيب لفروة الرأس ممتازه

يوضع قبل الشاور بساعه عالجذور ( هو مخصص لترطيب الجذور و خفيف مارح يسد لك المسام ) و بعدها يغسل

 

اسفنجة تنظيف الوجه من الياف الخضار و الفحم

تنظيفها ناعم و لطيف جدا و عميق كذلك

سريعه جدا بازالة الميك اب و الرواسب ، بشرتي حساسه جدا و فكرة الكلاراسونيك و غيرها تهية لي بشرتي فـ هذا كان خيار مناسب جدا لي و ناسب بشرتي و مناسبه للاستخدام اليومي

الشامبو اللي ضبببط جدا مع شعري الدهني ، ينشفه بشكل ممتاز مش مزعج و مايدهن بسرعه بعده

كحل سائل مع مصل لتطويل الرموش

امن و مافيه عطور وبارابين و مناسب للعيون الحساسه ، اشتريته عشان الاستخدام اليومي

جدا ممتاز استخدمه كحل و اعبي فيه الفراغات بالحواجب ، طول لي رموشي ٢٠٪ يمكن ، الاهم حافظ لي عليها من التساقط

و هدفي الرئيسي من شرائها اني ابي شي امن للاستخدام اليومي و يفيد بشرتي بدل مايضرها ، ثباته متوسط الى خفيف و لونه خفيف ، يزول بسرعه بالماء

لكنه منتج لابد يكون عندي بالبيت للدوام و الاستخدام اليومي الخفيف

 

قناع ليلي للترطيب و تغذية البشره

مكوناته جميله جدا و بدون كيماويات

لاحظت التغيير الايجابي ببشرتي وبشكل سريع ماشاء الله من ناحية صفاء البشره و توحيد لونها ، و فكرته سهله جدا ، ينحط قبل النوم ، يغسل الصباح ، بدون بهذله و حوسه ماسكات ?

 

باليت ظلال بدون تجارب على الحيوانات ، ألوانه تجنن و واضحه و ينافس نيكد باليت و بقووووه ، الوانه جميله للميك اب اليومي و حتى للمناسبات ، انتوا شايفين الألوان كيف بس ؟ 😍

 

 

أغذيه :

الشااااي الأبيض 😋

سمي مدونتي

أكيد ماسميت مدونتي شاي أبيض ألا و أنه له معزه خاصه بقلبي

فائدته عظيمه جدا ١٠ أضعاف فوائد الشاي الأخضر

مضادات اكسده عجيبه و معادن ممتازه

طعمه عشبي خفيف ، مو مثل الشاي الاخضر مر ، و مو مثل الشاي الاحمر عطري

طبعا قصة الشاي الابيض : هي براعم الشي قبل ماتكبر ياخذونها و يجففونها ، فـ تكون مركزه بالفوائد

هذا البراند عضوي و سعره ممتاز

شاي الديتوكس للبشره

فيه روز و انواع ازهار مفيده للبشره

مالاحظت نتائج خطيره ممتازه على بشرتي ،، لكن طعمه و ريحته ت ج ن ن 💛

عطررر من قلب ، من الشواهي اللي اشربها إذا بكافئ نفسي

نعم ، نوره البنت اللي مكافأتها كوب شاي بس ?✋

شاي الريحان للنوم

لما اكون ابي اشرب شاي اخر الليل قبل النوم اصير ابي شي يسوي لي ريلاكس و يساعدني عالنوم و مافيه كافيين

هذا الخيار المثالي ، ممتاز و لذيذ و ريحته عطريه

مزيج من الريحان المقدس “كذا اسمه” و القرفه و اليانسون و بعض الاعشاب اللي تهدي و تساعد عالنوم

و معروف عن هذا النوع من الريحان يرفع مستويات الشاكرا لخلي ذهنك صافي

عموما من تجربتي ، مو الشاي اللي يخليك تناااامين ، لكن يخليك ريلاكس و نومك افضل

انصح فيه

زيت جوز الهند اللي تلاحظوني استخدمه بأغلب وصفاتي

غير أنه أمن يعتبر سوبر فود بعد فيه فيتاميات كثير

هذه افضل ماركه بالنسبه لي

شراب الأغاف يعتبر محلي طبيعي و آمن

ممتاز للطبخ و الحلويات طعمه حفيف و مافيه نكهه حاده

شراب القيقب

محلي طبيعي و سليم و ١٠٠٪ قيقب ، مو مثل اللي بالبقالات ١٥٪ قيقب

ممتاز مع البانكيك ، تستخدمينه بدل السكر

ممتاز لازم يكون بكل بيت ، غني بالفيتامينات كذلك

سكر ستيفيا طبيعي و بدون اضافات و غير معالج

هذا هو النوع الآمن و ليس اللي بالبقالات

سكر جوز الهند

هذا بديل السكر المكرر الآمن ، طعمه اخف من السكر العادي و سكر الستيفيا

صودا الخبز او بيكينج صودا صافي

خالي من الألمنيوم و صافي

الكاكاو النيئ

تذكرون بمقالة الكاكاو ذكرت فوائد الكاكاو النيئ الخارقه العلاجيه و أنه هذه الفوائد بالكاكاو النيئ مو المحمص

و هذا الكاكاو النيئ اللي استخدمه

هذا نوع الشوفان اللي اخذه لعصيدة الشوفان أو باقي الوصفات اللي اسخدم فيها الشوفان ( اكتبوا شوفان في خانة البحث و تطلع لكم وصفات الشوفان اللي عملتها بمدونتي )

عضوي و كامل و سعره ممتاز ?

نخالة الشوفان

برأيي ترمم ماخربه الدقيق الأبيض

ممتازه لعلاج القولون

فيها كروميوم لتعديل مستويات السكر بالدم و الكوليسترول

خليط بانكيك بالحنطه ةدا لذيذ و ناجح

الكينوا

الكينوا أنواع و ألوان لكن الفائده ماتفرق كثير

احب اخذ هذا النوع حجمه ممتاز و ارخص من عندنا

كميه كبيره و سعر ممتاز ، افضل من اللي عندنا و ماركة ريد ميل لايعلى عليها بالتأكيد

ملح الهمالايا

الأعلى فائده بين الأملاح

فيه معادن و فيتامينات عاليه و ترفع قلويه الجسم

مايلعب بالضغط بالعكس ممكن يساعد بعلاجه

صحي جدا جدا جدا اقروا عنه

 

بذور مبرعمه ، يعني اكسترا فوائد ، متبله ببتبيله ايطاليه لذيذه ، احطها فوق السلطات و الحمص

 

هذه بذور الشيا الغنيه عن التعريف

ماارتاح اذا قرب يخلص لازم دايم دروجي مليانه منه

يعتبر سوبر فود و فيه اوميجا ثري و بروتين و الياف و مليان فيتامينات

احطه مع السموثي ، خلطات البانكيك ، فوق الزبادي مع الموسلي او الشوفان

ماله طعم و لا ريحه يعني وين ماتحطينها ماتبين

بديل صحي للاوريو ، جدددا يشبه طعم الاوريو ، لكن بمكونات نظيفه ، القمح الكامل و سكر القصب العضوي و غيره ، والحلو انه نفس سعر الاوريو التجاري

 

للي يحبون التشوكليت المملح او الكاراميل المملح ، بيعشقووون هذا المنتج ، دارك تشوكليت بالكاراميل و الملح البحري ، كل اللي جربوه عندي كثير حبوه ، جددا لذيذ انصحكم تجربونه نكهه فخمه

 

 

منتجات اطفال :

هالبسكويت جدا اعجب أطفالي

نكهته مثل بسكويت الشاي القدييييم اللي كنا ناكله

طبعا الفرق انه مفيد جدا و مكوناته مفيده و فيها قيمه غذائيه عاليه ، فيه شوفان و اروروت و شعير و غيره من المكونات النظيفه

خليط سوبر فود فواكه و خضار و اعشاب ، اخلطه مع حليب او سموثي او مع كورن فليكس الفطور

 

هذا منتفخات الأرز البني ، مع مجفف فراوله و شمندر يعني قيمه غذائيه عاليه

الأطفال حبوه كثير طعم الفراوله واضح مثل حلويات الفراوله و غيره

مناسب للأطفال من ٦ شهور و صاير صغير و سهل يمسكونه الأطفال الصغار و اول مايدخلونه فمهم بيذوب علطول ، يعني ماتخافون يختنق فيه او يغص

هذا اللولي بوب بدون سكر و مواد حافظه و ألوان ، مصنوع من عصاير طبيعيه و شراب القيقب

النكهات عجيبه مثل الشمندر و الجزر و التفاح و البلوبيري و غيره

لذيذه نكهاته و الحلو أنك تعطين أطفالك بالراحه و انتي تعرفين أنه بيغذيهم مارح يأذيهم

خصوصا انه المصاصات التجاريه اللي بالأسواق هي الاكبر ضرر بين الحلويات عباره عن سكر و ألوان صناعيه و مواد حافظه

هذا العكس ، كلو طبيعي ، عصاير طبيعيه و شراب قيقب بس

جميل جدا عند بناتي عيد اذا وصل كرتون اي هيرب و فيه هذا ?❤

مكمل ممتاز جدا و مصدر رائع للفيتامينات للاطفال ، مكوناته طبيعيه جدا و يعتبر افضل من المكملات الصناعيه

و هذه كانت اهم الاشياء الله احب اطلبها من اي هيرب و انصحكم فيها

دعواتكم لي ?