مفن فطيرة التفاح

 

اعجبكم الأسم المركب حق الوصفه ؟ ?

قمت الصباح و أنا خااطري بأني اسوي شي بالتفاح الاخضر ، تحديدا فطيرة التفاح

لكنها ماتشبع للفطور تنفع سناك و مع القهوه ?

 

فـ حيب أضيف لها طبقة مفن عشان يكتمل الطبق و يصير وجبه متكامله للفطور و يغذي بالكامل ، عشان كذا صار اسمه مفن فطيرة التفاح ?

و بما أننا حطينا حبوب كامله

و حصة من الفواكه

و حصه من المكسرات

و الزيوت المفيده

صار عندنا افضل طبق متكامل للفطور

نروح لوصفتنا

المكونات /

الطبقه الأولى /

• 1 ك خليط من ( طحين شعير + شوفان + قمح )

• 2 م ك زبدة جوز هند

• 1 م ص بيكربونات صودا و بيكينج باودر

• رشة ملح

• 1 م ك سكر قصب او سكر جوز هند او دبس تمر

• 1/2 ك حليب نباتي

الطبقه الثانيه /

• تفاح مقطع مكعبات

• 1 م ك قرفه

• 1 م ك سكر جوز هند أو سكر اسمر

• عصرة ليمون

الطبقه الثالثه /

• 1/2 ك لوز مطحون

• 2 م ك أي محلي طبيعي ( استخدمت دبس التمر )

• 3 م ك زبدة جوز هند

• 1/4 ك طحين اسمر بر

الطريقه /

1. تخلط مكونات الطبقه الأولى و هي المفن ، و توضع بقوالب الكبكيك و تحفر بالوسط

2. يوضع فوقه خليط التفاح

3. يوضع فوقه كميه بسيطه من مكونات الطبقه الثالثه

4. بالفرن 15 دقيقه حراره 360

عوافي