عصيده التمر بالنسخه الصحيه

 

مرحب

مع انه ماعندي مشاكل ابدا مع الأكل الشعبي و دائما هو الصحي الأصل

لكن مايمنع بعض البدائل و الإضافات اللي تخليه صحي اكثر ، ليش لأ ؟

و عموما سويت العصيده اليوم بشكل سريع و مختصر عن الطريقه الأصليه

و مع أيام الشتويه اللي رجعت هاليومين صار خاطرنا بأكلات تدفي و أفضلها العصيده

طبعا لكل منطقه و بلد طريقتهم بالعصيده / بالكويت و الشرقيه يسوونها بسكر و طحين بس أو دبس تمر ، بالسعوديه و نجد و ماحولها يسوونها بالتمر و يسمونها محلا ، بالامارات بالقرع ،، و هكذا

و عموما مانحب نلتزم بطريقه معينه ، نسويها زي مانحب

انا احبها تكون سائله كريميه شوي مو متماسكه او جامده ، أحب طعم التمر يكون واضح فيها مو طعم طحين ، أحب اضيف لها عسل اسود و دبس تمر احيانا بدل الزبده اللي تصير فوقها ، و أحب اضيف لها منكهات خفيفه مثل الزعفران و القرفه

و انتوا ؟ كيف تحبون عصيدتكم حكوني ?

المكونات /

• 1 ك معجون تمر مذوب في ماء حار ( أو تمر عادي منزوعه منه النواة )

• 1 ك خليط من ( طحين شعير ، دخن ، بر )

• 2 م ك زيت جوز هند ( أو سمن طبيعي )

• بهارات من اللي حابين ( قرفه ، زعفوان ، هيل )

• ماء حسب الحاجه

الطريقه /

1. نحمي المقلاة على نار وسط و نضيف الطحين و نحركه حتى يغمق لونه او يتشقر

2. نضيف الزبده و نحرك

3. نضيف التمر و نحرك

4. نضيف الماء حسب اختيارنا لقوامه و نحرك حتى نحصل عالقوام المطلوب

5. نخليه مده 30 دقيقه على نار هاديه مع التحريك كل فتره

6. يقدم و عوافي