مشترياتي الناجحه من أمازون مع كود خصم أمازون

ياهلا و الله

مؤخراً هبيت بأمازون خصوصا يوم صار اخيرا يشحن مباشر للسعوديه عن طريق ناقل مو مثل قبل “بريد امريكي و بريطاني و مدري ايش “

تحطين عنوانك و علطول يوصل لك للبيت و التوصيل كان ناجح جدا

حتى فيه منتج وصلني مكسور ، و كانت عمليه الاستبدال سهله و سريعه جدا بأقل من اسبوع

المهم صار معتمد ، طبعاً هذا امازون يعني مايحتاج نقول وش قد هو يونس و كل شي تبينه فيه بدون لف و دوران 😄

و فيه منتجات طلبتها طلعت خربوطيه و ندت عليها و مارح اتكلم عنها و بتكفي بذكر المنتجات الناجحه

عندهم فكرة التسويق بالعموله ، يعني يجيكم خصم و تجيني مثل النسبه نقاط

أنتوا تستفيدون و نحنا نستفيد محد يقول لا لمزيد من التخفيض 😄

هذا الكود مع اي طلبيه بيخصم ١٠٪ أو ٢٠٪

whitetea0f-20

اول شي المنتج اللي الكل رجع يسألني عنه يوم صورته لكم سناب تشات ( اضغطي عالصوره يوديك للرابط )

الجهاز يشيل انتشار الاشعاعات EMF أو EMR اللي تطلع من الاجهزه الموبايل او اللابتوب أو المودم و غيره ، مايقطع الثري جي او الاشاره تبع الجوال و لا يأثر بسرعه النت ، لكن فقط يشيل انتشارها ، لو تكتبون اسمه بيوتيوب تلقون مقاطع مجربينها باجهزه قياس التردد الاشعاع و يورونكم شقد هو يشيلها ١٠٠٪

حبيته كثير و تجربتي معاه ناجحه و رجعت طلبت منه لكل العائله ، الملحوظ أنه ماصار راسي يصدع و عيوني تعورني من كثره القعده عالجوال ، الأرق اللي يجي بعد ماتقعدين طويل عالجوال راح ، مبدئيا هذه الملاحظات اللي لاحظتها

منتج جيد و انصح فيه

صحن الكوكونت ( اضغطي عالرابط يوديك للمنتج )

http://

فيه أكيت ؟ 😣❤ صحن الكوكونت يحسسك بالطبيعه ، يفتح نفسك لصحن السموثي او النايسكريم او الشوفان ، مصنوع يدوي من قشره الكوكونت ، طبعاً لقيتها ارخص عند علي اكسبريس بس مع الشحن يطلع السعر دبل عن هنا و يوصل بعد شهر ، فـ اخذها من امازون احسن و اسرع

قطاعه زجاج ( الرابط في الصوره )

http://

القطاعه الزجاج افضل خيار لتقطيع الخضار ، ما تمسك البكتيريا مثل البلاستيك و الخشب ، تعقيمها اسهل ، مصنوعه من زجاج صلب ماينكسر بسهوله ، و يعيش عمر مايحتاج تغيير كل فتره

الطباخ الإلكتروني ( الرابط في الصوره )

عاجبتني فكره الـ slow cooker أو قدر الضغط الكهربائي ، بس اللي كان عايقني عن شراءه هو أنه أغلب الماركات قدرتها ألمنيوم أو تيفال ، و هي أسوء الخيارات للطبخ ، لقيت انواع ستانليس ستيل ، بس صار بخااطري لو يصير فخار تخيلته بيكون احسن و احسن ، و وش قد بيكون الأكل لذيذ فيه ، و لقيته بأمازون عززز الطلب ، الفخار مصنوع من  طين عضوي ، و مخصص له ، الجهاز فيه خيارات للازر و البقول و حتى لعمل الزبادي ، مررره مرره حبيته (( كهربه ١١٠ ))

ارمي المكونات بالقدر ، أرز خضار بقول و احط المؤقت و انساه خلاص هو بيكون لي جاهز بدون مااشيك عليه كل شوي

معكم وحده رفلاء تحرق الاكل و تنساه دايم فـ هالجهاز أنقذني 😂

كاميرا مراقبة للأطفال

كاميرا المراقبه اللي حررتني من قعدة البيت مع الاطفال اخيراً 😆 أول كنت مااطلع من البيت ( حتى ول فيه عامله ) ألا اذا مع الالطفال ابوهم او خواتي مثلا ، دايم اذا طلعت و خليتهم اجي الاقيهم حايسين البيت و المطبخ ، او اطلع و يكونون نايمين اجي الاقيهم صحوا و سهرانين عالتلفزيون او الاجهزه 😐

هالكاميرا فيها مكريفون و سماعات ، يسمعوني و أسمعهم عن طريق تطبيق احمله في جوالي ، اقدر احرك الكاميرا من جوالي اشوف يمين و يسار ، اقدر اراقب تعامل العامله معهم

فيه تسجيل و منبه عند وجود حركه ( احطه لما يكونون نايمين يجيني تنبيه اذا تحركوا ) احسه مناسب للمواليد بعد اللي يصيرون بغرفه ثانيه

الكاميرا حبيتها و بطلب منها اكثر من حبه باذن الله مفيده جداً

كاميرا كانون

كاميرتي اللي صورت فيها اخر فديوهاتي

روعه روعه روعه الحمدلله اني شريتها ، تصوير الفديو فيها رائع ، فيها واي فاي و الشاشه تاتش و تنقلب ٣٦٠ درجه

الفوكس فيها يجنن ، لسا الفديوهات اللي صورتها فيها ماحطيتها بيوتيوب لكن رح تشوفونها قريبا باذن الله

استديو

بما انه تصويري شخصي و بالبيت بس شي بسيط للمدونه ، من وقت طويل كنت ادور سوفت بوكس بسيط و رخيص ، مابي شي احترافي ، و الاسعار اللي اشوفها خياليه توصل لـ ١٠ الالف ريال ، و انا ابي شي بسيط بس حق تصوير السوشل ميديا ، المهم و لقيته اخيراً هنا ، حلو للمبتدئين ، اضاءته قويه و حلوه

الاريل يوجا

مرجييييحتي اللي الكل يسألني عنها ،، حلوه حلوه حلوه بعد ، اعمل فيها تمارين الاريل يوجا ( تطلعونها من يوتيوب ) اعمل فيها تمدد ، او فقط انسدح فيها و استرخي

بناتي صالوا يتعلقون فيها اكثر مني 😄 و لا جيت بالليل الاقي زوجي نايم فيها 😂

قماشها قوي و يتحمل ، التمارين اللي فيها احسن شي للي عندهم مشاكل بالظهر لان تعلقك فيها يخفف الضغط عالظهر

اذا شفتوا التمارين بيوتيوب رح تفهمون علي ، طبعا اول مره دخلت كلاس اريل يوجا بالنادي تعلمت كيف اركب عليها عملي و بعدها صرت اطبق بالبيت

فكرتها تتعلق بالسقف على خرسانه ضروري مو على الجبس بورد

و هذه المسامير حقت التعليق

كفر الرضاعه مع حمايه من الاشعاعات

حلو مره و فيه مثل الفتحه اللي تخليك تشوفين البيبي و انتي ترضعينه مايكتمه ، معي بكل وقت و مكان ، و مصنوع من الرصاص و القطن العضوي ، مثل اللي ينلبس بالمستشفى لما تسوين اشعه بانوراما عرفتوه ؟ بس هذا كثييير خفيف ، حتى كنت البسه و انا حامل لما اشتغل عالجوال او اللابتوب عشان احمي الجنين من الاشعاعات

قوارير زجاج

مجود قوارير زجاجيه شكلها مرتب ، محكمه الاغلاق و هالشي يخليها مثاليه للعصير الطازج و الحليب النباتي اذا سويته

اخذها معي لمحلات العصاير اخليهم يعبونها لي العصير بدل مااخذ بكوب بلاستيك

مصاصات ستانليس ستيل

لما تصيرين تهتمين بالبيئه رح يهمك انك ماتستهلكين المصاصات البلاستكييه ، هذه معدن يعيش معاك عمر ، يعني توفيري اكثر من شراء درزن مصاصات بلاستيك كل شوي ، و عشان مسئله احتكاك الحديد بالاسنان معها ربل يتركب عليه يحمي اللاسنان من الفولاذ ، بجرب الزجاجيه احسها احلا بعد لكن عندي تخوف من انها تنكسر بسرعه مو مثل الفولاذ

كذلك فيه خشبيات بجربهم باذن الله

و هذه اكثر الأشياء الناجحه اللي طلبتها من امازون

القائمه قابله للتجديد كلما شريت شي حلو

شاكره دخولكم صفحتي و لا تنسون كود الخصم مع أي طلبيه تطلبونها و عافيه عليكم 😘