كوكيز الزنجبيل المتكامل

مرحب

ماعندي قواعد بالفطور ، عادي يوم يكون سموثي ، سلطة ، و كوكيز ?

الأهم يكون فيه مكونات متنوعه و مفيده بكل تفاصيلها ، فطورنا اليوم من الوصفات اللي ممكن تعد مسبقا و تكون جاهزه للصباح ، ممتازه للمداومين و المدارس و للي حابين فطور خفيف و سريع و جاهز ، و الأهم لذيذ

الكوكيز لذيذ جدا و قوامه ” كيكي ” مثل حق انوش ? و ممتاز لأجواء الشتاء البارده و بيدفي عشان الرنجبيل

هذا هو الكوكيز اللي يغذيك ما يأذيك و يفرحك انتي و اطفالك

و على فكره بالكوكيز تقدرين تضيفين باقي المكسرات و جوز الهند اللي سويتي فيهم حليبات نبايته

و هالكوكيز سويت جزء منه بالبيض و جزء بدونه ببديل البيض بذور الكتان و ماكان الفرق كبير و كانت نتيجته ممتازه و مشابهه جدا للي بالبيض ،، الطعم نفسه بالضبط لكن قوام الاللي بالكتان كان أطرا

المكونات /

• 350ج زبدة جوز الهند .

• 2 ك سكر طبيعي ( جوز الهند او قصب او عزيز او تمر )

• فانيلا

• 1 م ص بيكربونات الصودا

• 1 م م بيكينج صودا

• رشة ملح غير مكرر

• 4 م زنجبيل ( طازج او بودره او كلهم )

• 1 م ك قرفه

• رشة جوزة الطيب

• بيضتين ( أو بديله 2 م ك بذور كتان مطحونه بنص ك ماء )

• 4 أكواب طحين من الأنواع اللي حابه ( استخدمت شوفان و حنطه و كاموت و شعير )

الطريقه /

1. نخفق الزبده حتى تصبح كريميه

2. نضيف السكر و نخفق حتى يمتزج

3. نضيف باقي المقادير ماعدا الطحين و نحرك

4. نضيف الطحين بالتدريج

5. يوضع بصينيه بورق خبز و يطبخ بدرجة حراره 360 مدة من 8 لـ 12 دقيقه حسب حرارة الفرن و حجم التشكيل

عوافي