حمسة الفاصوليا

ياأهلا و سهلا

اليوم تعويض عن زحمة امس ? سويت فطور سريع جدا و لذيذ جدا و ماياخذ وقت و طبعا #يغذي_ما_يأذي

الفاصوليا لنا الحريه باختيار النوع ( بيضاء حمراء سوداء خضراء )

و مااعتقد انها شي جديد عالكل لكن مثل ماقلت ألهمكم بوصفات فطور جديده غير خيارات خبزه و جبنه

و النواشف اللي حطيتها كلها كانت بدون اي نوع جبن ،، معروفه نواشفنا اذا حطيناها ? لبنه ، جبنه ، جبنه بيضاء ، جبنه تشيدر ، جبنه مثلثات ، جبنه فوق البيض

و كنت اذا قلت للناس اني احط نواشفي كامله بدون نقطة جبن يقولون : وش تحطين اجل ?

نواشفي هي : قشطه ، عسل ، مخللات ، فول سوداني ، مربى ، جبنة كاجو ، جبن الزيتون ، زيتون ، خيار و طماط و نعناع ، زعتر ، حمص ، زيت زيتون ، حلاوة طحينيه بدبس التمر بدون سكر ، هذا اللي خاطر على بالي الحين و عندنا خيارات اكثر بعد

نروح لوصفتنا

المكونات /

• بصله

• طماطم

• كزبره

• 1 ك فاصوليا اي نوع ( استخدمت فاصوليا مشكل بدون مواد حافظه )

• بهاراتنا اللي نحب

الطريقه /

1. نحمس البصل بزيت زيتون مدة 3 دقائق او حتى يتحمر

2. نضيف البهارات ثم الطماطم و نخليه 3 دقائق اخرى

3. نضيف الكزبره ثم الفاصوليا

4. نضعه في صينيه الفرن و نطبخه بالفرن حراره 360 مده 10 دقائق

يقدم مع النواشف و الخبز ، أو ممكن مع الرز بالغداء

عوافي