السمنه ، حلولها و كيفية التعامل معها ” من وجهة نظر نوره “

ياأهلا بالبطات

تلاحظون إني قايله ” من وجهة نظر نوره ” بالعنوان عشان ماتاكلوني ? أنا فقط باحثه و مطلعه مش دكتوره و لاأخصائيه ” يمكن بالمستقبل إذا شاء ربي ?”

عموما احنا اذا عندنا مشكله بشكل عام و نبغا نتعامل معها ندور أكثر من رأي و أكثر من فكره و أكثر من حل و منها نطلع باللي يناسبنا

و هذه وجهة نظري اللي أشوفها الأفضل لصحتك و عقلك و نفسيتك و مشاعرك و كل شي

ممكن تاخذين فيها كلها ، ممكن تاخذين شي منها

ممكن ماتاخذين منها شي ابد و بتكونين نورتيني و شكرا لقراءتك المقال

?

طيب

أول شي مارح أعطيك رجيم أبو تنحفين 10 كيلو بأسبوع ! و لا شاي تخسيس و لا خلطة تنحيف ✋

أنا هنا عشان اساعدك تشيلين هالمشكله من جذورها و لا تفكرين فيها بالمستقبل و تعيشين بتوتر وزنك طول عمرك

أنا هنا عشان أساعدك تغيرين نمط غذاءك للأفضل لتتخلصين من السمنه ، و حتى الأمراض و تعيشين كل حياتك بصحه بدون هوس : سمنت ، نحفت ، رجيم ، خلطه … الخ

مابيك تنحفين هالشهر و ترجعين تسمنين دبل الشهر الجاي ، أبيك تعيشين كل عمرك راضيه عن نفسك

راجعي أكلك كله ، من فطور و غداء و عشاء و سناكات

شوفي ثلاجتك إيش فيها ؟

هل هي كذا ؟ كلها حلويات و مشروبات غازيه و معلبات و عصاير مصنعه و اكل جاهز ؟

و لا مليانه من خيرات ربي من الخضار و الفواكه و الطبيعه و كل مفيد ؟؟

تأملتي ؟

طيب نحتاج نغير نمط غذائنا المعروف و نرجع للفطره ، أي أكل تدخلت فيه أيدي البشر مانحتاجه ، معلبات ، اكل مصنع ، حلويات ، لحوم مصنعه و مهرمنه ، أجبان و حليب مهرمن و مترسبه فيه مضادات ، حبوب مفصوله عن نخالتها مثل الرز الابيض و القمح الابيض ، الاكل المكرر مثل الملح و السكر

لاحظتو ؟!

أغلب اللي عديته قاعد يدخل يوميا فيه وجباتنا ، عشان كذا منتشره السمنه و الامراض المزمنه و غيرها

اللي تبي هدف مثل هدف تحسين وزنها ، تحتاج تغير تفكيرها قبل كل شي .. حكمي عقلك بالأكل و ليس لسانك

حبي جسدك لدرجة تحبين له الخير من أكل صحي و فيتامينات .. خلي جسمك دايم يشكرك عاللي تاكلينه

خلي المتعه بفيتامينات اكثر مو سكر أكثر

كوني عقلانيه و ذكيه و تفكيرك مو محدود على أكلات انتي مدمنه عليها و مضره ، تأكدي انه عقلبك اكبر من كذا و مثل ماحبيتي هالاكل المضر تقدرين تكرهينه

شوفي ايش سخر لنا ربي من حبوب و بقول و جنه من الخضار و الفواكه

نصيحتي لكم هي

شوفوا الهرم الغذائي الحقيقي هذا ( اللي نعرفه كان نظري بس و مو مبني على دراسات )

ألتزمي فيه و بتشوفين الصحه بإذن الله

و عموما مافيه نتيجه بيوم او يومين و لا شهر و لا شهرين ، بعد 6 شهور عالاقل ممكن بتشوفين نتيجه

طيب ناس تقول : أنا ماآكل أبد لكن لازال وزني مرتفع !

أحب أقول لك أنه لازم تاكلين و تاكلين زين بعد و بشكل منظم و صحي ، عدم نقص الوزن يصير بسبب قلة الأكل هذه ، هذا رد فعل طبيعي للجسم . كأنه جسمك قاعد يقول : ياجماعه هالبنت شكلها مارح تعطيني اكل فـ لازم أحط لي مخزون دهون عشان احرقها كـ طاقه بأوقات المجاعه ? .. المجاعه اللي انتي بتعملينها بجسمك طبعاً

عشان كذا لازم تعودين جسمك أنه يحرق كل شوي ، لاتخلين عملية الحرق يصيبها خمول .

و هذا تفسير أنه اللي تشترك بـ دايت سنتر و هالبرامج اللي تقدم وجبات للتنحيف و غيره تخليك تنحفين مع أنك خلال البرنامج تاكلين أكثر من أكلك اليومي بغيره ، لأنك علطول قاعده تاكلين باعتدال و نشطتي عملية الحرق عندك

و أما اللي مشكلتها كثرة الأكل

قللي الكميات بالتدريج و خليها صحيه قدر الإمكان ( خضار فواكه ) و لا تعطين نفسك فرصه تجوعين عشان ماتهجمين عالاكل و تقعدين تتشهوين الأكل الغير صحي والسكريات

خلي صحن الفواكه علطول قدامك ، و خلي طبق السلطه اكبر من الطبق الرئيسي وأبدي فيه أول عشان تشبعين خضار و مايبقى مكان للوجبه الرئيسيه

بعض الأغذيه اللي حلو تدخل بنظامك الصحي / ( اضغطوا عالصوره توديكم للمنتج بآي هيرب )

النخاله /

نخالة الشوفان أو القمح او الرز ، فيها مادة الكروميوم اللي تساعد على توازن الجسم و تحويل الكوليسترول الضار لنافع

موجود عند اي هيرب او قسم المستوردات بالسوبر ماركت

الشاي الأبيض /

فوائده ضعف الشاي الأخضر

عند اي هيرب و جميع السوبرماركتات

زيت الزيتون و زيت جوز الهند بدل باقي الزيوت /

و التقليل من الزيوت بشكل عام أمر واجب

الدارك تشوكليت /

ممتاز جدا لحرق الدهون و تقوية المناعه و توازن الجسم ، خليه هو حلوياتك عبي درجك منه

بذور الكتان /

ممتازه بعد لحرق الدهون ، حطيها بأغلب أكلك

استبدال منتجات القمح بالدخن و الشعير و الشوفان و الحنطه /

أفضل للي هدفهم نحافه

و مارح أقول لك خوذي منتجات حليب قليلة او منزوعة الدسم و غيره ، أقول لك اتركيهم من الأساس أفضل لأنهم ممكن يكونون سبب لسمنتك و بتشوفين نتيجه اسرع اذا تركتيهم

لاتحرمين نفسك من اللي تحبينه لكن كولي بذكاء . أعرفي أنه هالأكل بينفعك و لا بيضرك ؟ اعملي بدائلك الصحيه من الأكل اللي تحبينه وسمي بالله

و لاتنسين تدخلين الرياضه بحياتك لأنها شي جميل جدا ينفس غضبك و يرفع معنوياتك و يرفع هرمون السعاده عندك و تقوي قلبك و جسدك و قوة تحملك

الرياضه شي لازم يدخ بحياة الكل

و أتمنى تعيشون حياة كلها صحه و عافيه و سعاده يارب ?

نوره