طبق السموثي

سلام

طبق السموثي من الاطباق السريعه جدا و المغذيه جدا جدا

طايحين فيها الاجانب بس مادخلت عالمنا العربي بشكل كامل

منعشه جدا و لذيذه ممكن تتحكمين بالمقادير اللي فيها حسب اللي تحبين و تبين تزيدين فايدته لجسمك

بيحبونه الاطفال أكيد لأنه بيخيل لهم انه مثل الآيس كريم ، و طعمه و قوامه مثل الايس كريم بعد

و يعتبر سوبر سوبر فود اذا اضفتوا له ثمار القوجي المجفف أو الآسايي من اي هيرب ، او القراصيا او المشمش المجفف + بيعطيكم حموضه لذيذه معه توازن لكم حلاوة الموز اللي فيه

يستحق التجربه بجد

المقادير /

• 1 موز مفرزن

• 2 فراوله مفرزنه

• بلوبيري او كرانبيري

• سبانخ او كزبره ” مايبين طعمه ابد “

• 1/4 ك حليب جوز هند

للتزيين /

• جرانولا او موسلي

• شوفان

• فواكه

• بذور كتان او شيا

• مبشور جوز الهند

الطريقه /

1. تخلط جميع المقادير بالخلاط و ترين باللي حابين

2. ( يمكن تجهيز المقادير مسبقا و تقسيمها بأكياس ووضعها بالفريزر و اخراجها وقت الحاجه )