كب كيك الشوفان و الرازبيري

هلا

عادي تشوفوني افطر كيك ، كب كيك ، كوكيز ، اشاء مثل كذا مع كوب القهوه او القرفه لذيذه جدا عالفطور و تمدك بالطاقه اللي تبينها

خصوصا اذا كانت صحيه و بمكونات نحتاجها بكل وجبة فطور ?

نبي نغير ( أو ننوع ) ثقافة الفطور عندنا ، مو لازم جبن بيض فول و لا غيره مو فطور

نحتاج بوجبة الفطور لـ حبوب كامله  ، فواكه ، بذور ، مكسرات

يعني اكبر مصادر للطاقه نقدر عليها عشان نبدا يومنا بنشاط احنا و عائلتنا

فطورنا اليوم مناسب للمداومين ” انتوا دايم ببالي ? ” بالمدارس للاطفال و الوظايف

حتى اذا سويت شي مثل كذا تنبسط بنتي انها تقدر تاخذ معها للفسحه شي لذيذ و تحبه ، و انا انبسط انها رح تاكل شي مفيد?

و للرياضيين ممكن تضيفون سكوبين او ثلاث من بروتينكم

المكونات /

• ١ونص ك شوفان مطحون

• نص ك طحين شعير او بروتين باودر للي حابين

• نص ك كاكو باودر

• ٢ م ص بيكينج باودر

• ١ م ص بيكينج صودا

• رشة ملح

• م ك بذور كتان

• نص ك كاجو + نص ك ماء

• نص ك زبدة جوز هند

• ١ م ص خل تفاح

• نص ك محلي طبيعي مثل العسل

• فانيلا

للتغطيه /

• ١ ك تمر

• ١ ك كاجو

• ثلث ك ماء

• نص ك كاكاو باودر

• رشة ملح

• توت الرازبيري او اي فاكهه

الطريقه /

1. نحمي الفرن ٣٥٠* درجه و ندهن القالب زيت

2. بالخلاط / الكاجو و الماء و الخل و بذور الكتان و العسل و الزبده

3. نضيفها لباقي المقادير و نخلطها حتى يمتزج

4. بالفرن مدة 40 دقيقه او حسب حرارة الفرن او حجم القالب

5. نخليه حتى يبرد

6. نخلط مقادير التغطيه ماعدا التوت و نغطي الوجه و نزينه بالتوت

عوافي