السلام عليكم و الرحمه
مره كنت بسوي باستا وجهزت اغراضها ، بس احترت ايش الصلصه اللي اسويها حمراء بالطماطم ؟ و لا بيضاء بالكريمه ؟
سألت زوجي قال كيفك
سألت عواطف ” بنتي الكبيره ” قالت بيضاء ، سألت جود ” حمراء ” أممم فقلت ندمج خيارات البنات ، و نسوي بينك باستا?
باستا مانحتاج فيها لحوم ، اجبان ، و مع صلصه غنيه و كريميه لذيذه
كثير يقولون مشكلتي هالمكرونات كل يوم اكلها و تسمنني ، شلون اسوي مكرونه بدون جبن
هالمكرونه ماتنتبهين انه مافيه جبن اصلا ، و تغذي ماتعتبر وجبه ثقيله و تخافين تسمنك ، و أكيد ماأشارككم ألا الأكل اللذيذ?
المكونات /
- مكرونه بالشكل اللي تحبون ( استخدمت قمح كامل )
- فطر طازج
- كوسا
- فليفله
- بصل اخضر
- بصله حمراء
- هيليوم او اسبارغوس
- صلصة طماطم
- كريمة جوز الهند
- م ك نشاء مذوب بماء بارد
الطريقه /
- نسلق المكرونه بماء و ملح
- نقطع الخضار بالشكل اللي حابين
- نحمس البصل بشوي زيت زيتون و نضيف باقي الخضار و نحرك مده دقيقتين
- نضيف صلصة الطماطم و كريمة جوز الهند و نخليه يتطابخ 10 دقائق على نار هاديه
- نضيف المزيج للباستا ونحرك و نخليه دقيقتين حتى يمتزج
يقدم و بالعافيه
ربي يسعدك سعادة الدارين كنت محتاجه لهذي الوصفات جداً جداً ❤️
هل كريمة الجوز الهند يبان طعمها في الاكل ؟
جزاك الله خيرا
ممكن صورة لكريمة جوز الهند ؟ شي صحي
الهيليوم شي اخضر نوع خضره مدري ابحثو عنه بجوجل ههه
العفو حياك ياحلوه شكرا لذوقك
ريتويت لسؤال مارية .. الهيليوم او اسبارغوس وش هو ؟ و فين نلقاه ؟
و أحب اشششششكرك من كل قلبي , وأقولك انتي نعمة ساقها الله لنا عسى الله يجزاك خير الجزاء ويجعل كل ماتقدمينه في ميزان حسناتك يالغلا
هيليوم او اسبارغوس ايش هذا وفين القاه
معروفه بكل مكان حبيبتي
مرحباً نوره ماقصرتِ وصفه شهيه لكن ماعرفت كريمه جوز الهند ..!!