السلام
الطبق هذا نقدر نقول ” طبق إدماني ” من لذته بارك الله
كل يوم اقاوم نفسي عشان مااسويه كل 5 دقايق من جد اعجبني من قلب
و مكوناته مبسطه و سهله و علاجيه
علاجيه ؟
لأني اضفت فاصوليا الازوكي الخارقه , جدا مفيده للكلى ، و معنى كلمة ادزوكي اصلا ” شافي الكلى ” و الشافي ربي
و مليانه بروتين و أنزيمات كامله تغني عن اللحوم
موجوده عن السوبرماركتات اللي تبيع مستورد و موجوده عند اي هيرب ( إذا ضغطتوا عالصوره يفتح لكم رابط اي هيرب )
ماهو مكون اساسي عشان يكون البرجر لذيذ ، لكن لزيادة القيمه الغذائيه اذا توفر هذه طريقه له ?
حتى للناس اللي مش نباتيين ، مايمنع تجربونها للتغيير ، أقولكم اللي مايجربها بيفوته الكثيييير
بالواقع جربت كثير طرق للبرجرات النباتيه تطلع لذيذه لكن مو نفس طعم اللحم ، نفس الفلافل اذا صار مع حمص ، نفس الكباب اذا صار معه كثير بهارات و بصل و ثوم و كزبره و بقدونس
هذا البرجر طعمه بشبه اللحم بشكل يصصصصدم ماشاء الله ?❤❤
أنا اسوي منه كميه و اسويها اقراص واحطها بالفريزر ، يصير اذا بغيت اخذ قرص و احمره بفرن شوي و يكون جاهز
البطاطس اللي سويته معه طريقته هنا بطاطس بالفرن طبق كل يوم
و الكميات حسب ذوقكم و الكميه اللي حابين تسوونها و اللي متوفر مافيه قواعد
المقادير /
- ٢ ك فاصوليا متنوعه ( اللي متوفر من : فاصوليا حمراء ، سوداء ، بيضاء ، ازوكي )
- بصله مفروم
- ١/٢ ك فطر طازج < و هو السر باللذه
- ١/٤ ك كزبره طازجه
- بهاراتكم اللي حابين
- ربع ك رز مصري مطبوخ
- ٤ م ك شوفان مطحون أو اي نوع طحين ( الكميه ممكن تزيد حسب الحاجه )
الطريقه /
- تطبخ الفاصوليا اذا كانت ناشفه ، أو تنقع بماء و ملح اذا كانت معلبه للتخلص من اثر المواد الحافظه
- نشوح البصل بشوية زيت زيتون ثم تضاف البهارات و الفطر لمدة 5 دقائق أو حتى يذبل المزيج ثم تضاف الكزبره و نطفي النار
- بمحضرة الطعام نضيف خليط الفاصوليا و مزيج البصل و الفطر و الرز و الطحينو نخلط
- يشكل على اقراص و يوضع بالفريزر حتى يجمد
- وقت الطبخ يرش عليه طحين ثم يشرح بالمقلاه مع قليل زيت او بمقلاة غير قابله للالتصاق بدون زيت مدة دقيقه لكل وجه ، فقط للتحمير
ملاحظات بخصوص الطبق :
المزيج طبيعي مايكون متماسك مثل اللحمه ، بيكون قوامه تقريبا قريب لقوام الكفته عادي هو كذا
و ضروري تحطونه بالفزيرز عشان يتماسك اكثر بعدين تشوحونه عالنار عشان مايتفكك
بالعافيه ، بشروني بالنتايج اذا سويتوه ?
السلام عليكم
جزاك الله كل خير على الوصفه
اقدر استبدل الرز المصري بالرز الاسمر ؟
مرحبا
بس حبيت اسأل ينفع احطهم بالفرن مشوي والا لا
يب ، لكن مارح ينشف مثل اللحم عموما
لو أضفنا البقسماط للوصفة هل ممكن يتماسك أكثر؟
شو بديل الفاصوليا للناس اللي عندهم تكسر بالدم؟
السلام عليكم المقادير بعد السلق صحيح ..لاني سويت نفس المقادير قبل اسلق وطلع مو مره وكثييير
هذا اللي حرصت اقدمه بمدونتي قدر الأمكان ، احنا عندنا مصادر صحيه متجاهلينها و مركزين عالمستورد ، فيه اشياء مااقدر اسوي لها سكيب :d ، لكن احاول قد مااقدر اشارككم الوصفات اللي مكوناتها موجوده عندنا عشان مايكون فيه عذر للبعض انه مانقدر ناكل صحي
نورتيني ساره
نورتيني مهاوي
حبيت البساطه بالمكونات وتوفر المنتجات في بلدنا، والله تعبت وانا ابحث عن وصفات واشياء نباتيه كلها وصفات من مكونات مستورده، شكرا جزيلاً نونيتا وراح انصح الجميع بلا استثناء بالمدونه💛
رائع نورة يعطيك العافية 🤗😍🌺
اللي تبين عزيزتي ، تبين نوع تبين كل شي ماحددت انا عادي
يعني الحين نختار نوع واحد من الفاصوليا ولا كل الانواع نستخدم
يعطيك العافية حبيبتي بس ممكن مقدار الفاصوليا والفطر ؟؟
طيب كم تقريبا الفاصوليا كم احط ماعرف بدون مقادير??
هو كذا حبيبتي مايكون متاسك مره
سويته وغلب على طعمه الفاصوليا أكثر الظاهر زادت كميتها
و قوامه طلع مثل الخضار المهروسه مره لين كيف ممكن أتغلب على هالمشكله ؟؟
لذيذه الله يسعدك ع هالوصفة
نورتيني ياحلوه
اذا مو مطبوخه نعم ، موشرط لكن افضل
مرحبا
استفسار بسيط عن الفاصوليا
اشتريت كل الأنواع اللي قلتي عنها وذكرتي انها تنطبخ او تنسلق بماء. السؤال هو هل يحتاج انقع كل الفاصوليا قبلها بيوم؟
يحمممس .. بجربه باذن الله
وجاري البحث عن هالفاصوليا العجيبة اللي اول مره اسمع فيها هههههه