بطاطس بالفرن ، طبق كل يوم

مرحب

طبق اليوم الكل يحبه ، الاطفال و الكبار و اللي يحبون الاكل الصحي و الغير صحي ، يعني نقول يصنف أكل لذيذ اكثر من تنيقه أكل صحي

سبحان الله البطاطس هو الخضره اللي الكل مجمع على حبها

و هي ملكة الغذاء مثل مايسميها دكتور طارق الجيران ، فيها كل الأنريمات و الفيتامينات اللي يحتاجها كل البشر و عادي لو عشتوا عليها رح تعيشون بصحه

يعني الأم اللي تشكي أنه طفلها عسر و مايحب شي ، تخليه ياكل بالبطاطس لما يشبع يفيده مايضره بإذن الله

البطاطس من مصادر البوتاسيوم الغنيه ، ممتاز جدا للي عندهم اجهاد فكري واختبارات

يعتبر من الخضار الجذريه اللي لها خاصية علاج للجهاز الهضمي

و هو من الخضار اللي عادي تاكلينها و تنامين علطول ماتتعبك ، خفيفه عالمعده بالرغم من فائدتها العظيمه

و لها انواع كثير بالطبخ ، ياشيخه قطعيها و كبي بهاراتك و اجدعيها بالفرن تصير لك ألذ وجبه ?❤

طريقة اليوم نقدر نقول انها الطريقه المثاليه لطبخ البطاطس

مارح تطول بالفرن ، مارح تصير لك ناضجه من برا و من داخل لسا يابسه ، بتتشرب كل النكهه ، و طعم لذيذ جدا

 

المقادير /

• بطاطس بالقشره و مغسول جيدا
• كزبره
• فصين ثوم
• ملح غير مكرر
• فلفل اسود
• بهارات ايطاليه او زعتر و ريحان مجفف
• اكليل الجبل اذا متوفر
• خردل ديجون
• زيت زيتون
• بابريكا

الطريقه /

1. تسلق البطاطس لمدة 10 دقائق
2. تخلط جميع البهارات
3. يقطع البطاطس مكعبات ثم تضاف له خلطة البهارات
4. يوضع بالفرن درجة حرارة 400* مدة 30 دقيقه

يقدم و عوافي