يامرحبا
اذا قريتوا تدويناتي السابقه بتعرفون اني من الناس اللي أحب الطبخ ، لكن ماأحب أقعد وقت طويل بالمطبخ
أؤمن بأني بوقت قصير ، أقدر اطلع بوجبه لذيذه جدا ، و الوقت اللي بقضيه بالمطبخ اقضيه مع عائلتي هم أولى بهالوقت
و بتكتيكات بسيطه نقدر نسوي وجبه لذيذه ، سريعه ، ومغذيه لأبعد حد
اليوم طبقنا فيه فيتامينات ، بروتين ، دهون مفيده ، و معادن
هالوجبه جدا مناسبه لجوع اخر الليل ، لما ترجعين من الدوام تعبانه تبين اي شي سريع لكن يشبعك، للبنات اللي مايعرفون يطبخون
المكونات /
- مكرونه فوتتشيني
- نص ك كريمة جوز هند
- م ك نشاء تابيوكا أو أي نشاء
- ملح و فلفل و بابريكا و زعنر و الكثير من الريحان
- فطر الشيتاكي البني طازج أو اي نوع
- بروكلي
- بطاطس
- كزبره
الطريقه /
- نقطع الخضار
- نبهرها بالملح و الفلفل و الزعتر و الريحان البابريكا و البهارات اللي نحب
- نحطها بالفرن مدة 20 دقيقه أو حتى النضج
- نسلق الفوتشيني
- نصفيها من الماء و نضيف كريمة جوز الهند و النشاء و البهارات و نحرك
- يقدم
عوافي
