يامرحبا
بانكيك اليوم لذيييذ للي يحبون الأفوكادو
الأفواكدو بطبيعته فيه دهون مفيده فـ عشان كذا مانحتاج فيه زيت
و يعتبر بديل للبيض في بعض وصفات الكيك لكن تقدرون تضيفون البيض اذا حابين
و اذا افطرنا عليه في يوم رح نكون اخذنا احتياجنا من الحبوب ، الفواكه يعني فيتامينات مضاعفه
و للي يشكون انه اطفالهم ماياكلون خضار ، ادحشوه بأكلهم زي كذا مارح يحسون?
بالنسبه للافوكادو المستخدم احرصوا يكون ناضج لين مو قاسي ، اذا كان قاسي بترك برا الثلاجه بمكان مظلم عدة ايام لين مايصير لين عند الضغط عليه
المكونات /
- ١ حبة افوكادو ناضجه
- ١ك حليب نباتي
- ١ك و نص طحين بر
- ١م ص بيكينج باودر
- ١م ص بيكينج صودا
- رشة ملح
- ٢ م ك سكر قصب او اي محلي طبيعي
الطريقه /
- نخلط المقادير الناشفه في وعاء
- نخلط الافوكادو و الحليب بالخلاط
- نضيفها لباقي المقادير و نخلط
- نصبها في المقلاة على نار هاديه و نخليها تاخذ راحتها بالطبخ لأنها بدون بيض فـ تاخذ وقت حتى تنضج
- يقدم مع العسل او شراب القيقب الصافي و الفواكه و شرائح الأفوكادو
عوافي عليكم
