السلام عليكم و رحمة الله و بركاته
كيف اصبحتوا مع العام الجديد المليئ بالتفاؤل و الأمل و الأحلام
مارح اكثر كلام بخصوص تحديد الأهداف أعتقد تشبعتوا منه الكل تكلم عنه و ابدع ?❤
هدفي لـ 2017 م أني انشر رسالتي لأكبر عدد ممكن من الناس ، أبي اغير ثقافة الأكل الصحي عندنا للأفضل و ادخلها كل البيوت ، أبي ناكل صح و نسوي عادات صحيه افضل للأجيال اللي بعدنا
بالأساس ثقافة الغذاء كانت ممتازه على زمن أجدادنا ، لكن الحقبه اللي بعدها بدت تدخل المصنعات و المعلبات و النكهات و الماجي و الألوان و الالبان المعدله و اللحوم المصنعه و غيرها كونت مننا جيل عباره عن كلتة أمراض ، المستشفيات امتلت و الأمراض كثرت و العقول اختلت
نحتاج نغير نظرتنا للصحي أنه مو حرمان ، إنما الحرمان من خيرات ربي و الغذاء الدواء اللي مسخره ربي بالنبات
نبي نستمتع بالأكل الصحي و نغير نظرة أنه ” الصحي اكل مستشفى ! مسلوق ! ماصخ ! مافيه طعم “
نبي الناس تقبل عالاكل الصحي لأنه لذيذ و #يغذي_ما_يأذي
طولت شوي بالمقدمه و خلني أقول لكم إيش قصة 100 يوم من الصحه
مع بداية 2017 م ابي أنقل لكم كل يوم وجبة فطور صحيه و آمنه و لذيذه و #تغذي_ما_تأذي
جهزت منيو كامل رح اسوي منه كل يوم وصفه بإذن الله
جهزت وجبات للمداومين و المستعجلين و حسبت حسابهم ، للأطفال و للكبار و للي بالبيت بس ماتبي تقعد وقت طويل بالمطبخ ، فيه وصفات تحتاج تجهيز مسبق و فيه وجبات تتسوى بـ 5 دقائق
ليش اخترت الفطور لحاله ؟
لأن الفطور لحاله عالم ، و أهم وجبه باليوم و هي اللي بتدفعك تنجزين باليوم ، و المعده تمتص الفيتامينات اقوى وقت الصباح ، يعني نحتاج نبدا يومنا بوجبه صحيه جدا مليانه فيتامينات
و خيارات الفطور كبيره و لذيذه و أنا شخصيا اقدس وجبة الفطور ، لكن الأغلب ظالمين هذه الوجبه جدا ياخذون خبزه بيضاء و جبنه و شاهي و يمشون ، و لا كورن فليكس مصنع بسكر و مواد حافظه و مدعم مع حليب مهرمن و يعدم الجسم بدل ماينفعه < كلها خيارات غير صحيه أبدا و تأذي ما تغذي على فكره
بنقلها لكم بالسناب
n0netta_health
و الانستقرام
و التفاصيل و المكان الأبقى للمعلومه هي مدونتي هذه
رح تكون لكم موسوعه من وصفات الفطور ، غير الوصفات الصحيه الثانيه اللي رح احطها لكم بين وقت ووقت بإذن الله
مين معي ?
اعتذر عن التأخر في الرد سوكي
نورتيني ياحلوه لي الشرف
لي فتره وانا أدور بهالمواضيع وبالصدفه طحت على مونتج حيييييل انبسطت حسيت في الصميم j?????
راح أحوس فيها واتعلم منج و ما تدرين يمكن نسوي مشروع مشترك خاي أفتح محل خاص للبدائل الصحيه تكون سريعه ورخيصهتلبي حاجة الموظفين والطلاب خصوصا ?✌??
توني حتى بنقاش ويا بنات أهلي طبعا السالفه عندهم صعبه وا في وقت ومن ذا الكلام بس بوجود مثل مدونتج و حسابات ثانيه تمنعون الاحباط وتصنعون التغيير
موفقه …
نورتيني أحلام أنتي ذوق
الحمدلله المجتمع الحين قاعد يتقبل التغيير للنظام الصحي و صار فيه وعي كبير بهالشي
و أن شاء الله طالما عندي رساله رح استمر و أنشرها لأكبر عدد ممكن بفضل ربي ثم دعمكم لي
شكرا لك و نورتيني
السلام عليكم انا قبل يومين عرفت حسابك وفرحانه اني لقيت حساب يعتبر من افضل الحسابات من زمان وانا افكر نفس تفكيرك نفسي اغير العادات الغلط من ناحيه الاكل المهم انتي كتبتي الي في بالي كلو . وكنت أحاول ومازلت أحاول لكن بسبب النظرة السلبيه من الناس للاكل الصحي جاني احباط ومافي تشجيع طبعا . فانا جدا سعيده اني لقيتك وطبعا راح ابدا ان شاءالله ب 100 يوم زي ماقلتي فكره جدا تشجع .. وياريت تستمري وكلنا نستمر ونشجع بعض مرررررررررره شكرا