اهلن .. التفاح من الفواكه اللي موجوده بكل بيت ، لكن مو مستغله غالبا ? يانقطعها و ناكلها و لا تقعد بالثلاجه لين ماتخرب
فـ قلت ليش ماأستغله اليوم و اسوي فيه شي لذيذ و الكل يحبه
مفن التفاح . مثالي للفطور او عصريه أو حتى نعطيه أطفالنا بصندوق الغداء
حبيت أني افطر عليه مع كوب شاي قرفه ?? متعه عطريه من قلب
قاعده اقول عنه عطري لأني اضفت له بشر ليمون و جوزة طيب صارت ريحته عطططر عطر ماشاء الله ?
المكونات /
الناشفه :
- كوب و نص طحين قمح كامل أو طحين شوفان او طحين حنطه او دخن اللي حابين
- 2 م ك كاكاو بودر
- ربع كوب سكر جوز هند أو اي سكر طبيعي
- رشة جوزة الطيب
- رشة ملح
- 1م ص بيكربونات الصودا
- 1 م ص بيكينج باودر
- 1 م ص قرفه
السائله :
- حبة تفاحه مبشوره
- ربع كوب زيت جوز هند
- 2 بيض
- م ك زبادي
- عصره ليمون
- قشور ليمون
- كوب حليب كاجو ” أو أي حليب نباتي “
مقادير التغطيه :
- نص كوب سكر جوز هند
- 2 م ك زيت سمسم أو جوز هند
- ربع كوب حليب كاجو
- قرفه
- عصرة ليمون
الطريقه /
نحمي الفرن على حرارة 350 *
نخلط المقادير الناشفه و السائله ثم نجمعهم ” و هنا وقفه تأمل و أمتنان للريحه اللي بتشمونها ” ?
ثم نضعه في قوالب الكب كيك و على الفرن لمدة 20 – 30 دقيقه
خلال هذه الأثناء نحمي الزيت على نار هاديه ثم نضيف السكر و ننتظر لين مايذوب و يصير مثل الصلصه ، ثم نطفي النار و ننتظر شوي بس لما يدفى بعدين نضيف الحليب و نخلط بسرعه عشان مايتكتل و نعصر عليه عصرة ليمونه و يصير جاهز
بالعافيه و بشروني عن نتايجها معكم ?
طبعا يصير ، الغرض من الزبادي انه الخمائر اللي فيه رح تنفش الكيكه زياده ، لكن بدونه عادي
حبيتها بس يصير أسويها بدون زبادي
حياك نورتي
مبدعة وجاري التجربة