تجربتي لمنتجات رؤى الطبيعه العضويه – مع كود خصم NON231

https://nv.sa/

بالفتره اللي راحت هبيت بمنتجات رؤى الطبيعه و كلما جربت منتج انبهر فيه اكثر من اللي قبله

جودتها رائعه و ماندمت أني تعاملت معهم

طبعاً رؤى الطبيعه علامه تجاريه مسجله و مصرحه من وزارة التجاره يعني من هالناحيه نقدر نثق

نقدر نطلب منهم عن طريق الموقع اون لاين و الدفع امن ، نقدر عن طريق الانستقرام أو الواتس اب

انستقرامهم @nv_ksa 

واتس أب الرياض 0557879333 واتس أب خارج الرياض 0532661777

حبيت بهالتدوينه أحط لكم تجربتي بكل المنتجات بكل صدق و صراحه مثل ماعودتكم

بالبدايه لكم كود خصم 15٪ : NON231

( اضغطي عالصوره يوديك لرابطهم بالموقع )

تدرون إني بتكلم عنه صح ؟ 😏

أدري طفشتكم منها بس صدق بالنسبه لي تستاهل كل ريال فيها ، من الأشياء اللي لازم تكون بكل بيت ، نقدر نقول بديل آمن و طبيعي للفازلين

قوامها ثقيل لكن تذوب بسرعه عالجلد و تصير زيتيه ، فيه النوع العاجي و الأصفر ، العاجي افضل مفعول مثل مايقولون ، لكن بوجهة نظري متشابهين كثير كثير مافرقوا معي

العاجي قوامها انعم شوي ، الاصفر شوي يتكتل لكن يذوب علطول

فوائدها من الموقع :

1- غنية بفيتامينات (A ) ، ( E ) ، ( F )
2- غنية بمضادات الأكسدة
3- تمنع وتكافح شيخوخة الجلد والتجاعيد
4- واقي طبيعي تحمي البشرة من الأشعة فوق البنفسجية الضارة
5 – توحد لون البشرة
6- ترطب و تنعم البشرة وتعيد للجلد مرونته
7- تعطي للبشرة النضارة والإشراقة
8- تزيل النمش
9- تحتوي على عامل طبيعي لمعالجة حب الشباب والندوب
10- تساعد على إلتئام الجروح الصغيرة و تجدد خلايا الجلد التالف
11- تقلل من حكة الجلد بسبب الصدفية والإكزيما و جفاف البشرة
12- تعالج تشققات الأرجل وخشونة الكوع و الركبة
13- تمنع تهيج البشرة بعد الحلاقة
14- تعالج و تمنع ظهور الخطوط البيضاء بعد الحمل وزيادة الوزن
15- تزيل آثار المكياج الضارة
16- تعيد للشعر بريقه ولمعانه
17- تعالج جفاف فروة الرأس
18- تعالج إجهاد العضلات ، وخاصة بعد ممارسة الرياضة.
19- تعالج إلتهاب الحفاظات للأطفال
20- التخفيف من ألم لدغ الحشرات

بالنسبه لتجربتي معها

استخدمتها للتشققات و لترطيب المناطق اللي بتتمدد خلال الحمل مثل البطن ، ممتازه لترطيب المناطق الجافه مثل الركب و الأكواع ، الشفايف

استخدمتها لعلاج الأكزيما و ساعدتني كثير ، كذلك بنتي جتها حساسيه بظهرها و بعد ماحطيته راحت الحمدلله

للشعر بنات 😭😭 تجنن تجنن تجنن

ذوبي شوي منها بالمكرويف و حطيها كماسك للشعر ، أجمل شي جربته لشعري من ناحيه نعومه و لمعه و طراوه ، صرت احب شعري اكثر يوم حطيته 😍 اتخيله يرتب الكيرلي بعد للشعر المجعد

الشي السلبي فيها ” بالنسبه للبعض ” ريحتها ، مش سيئه ، لكن مش عطريه ، البنات شبهوها بريحة كريم ميبو ، مش سيئه ابدا من وجهة نظري عادي ، خصوصا انك مارح تتروشين فيها بكل جسمك ، بالمناطق الجافه بس و كميه بسيييطه منها تكفي مثل ماقلت قوامها ثقيل لكن مفعولها قوي يعني كميه بسيطه بطرف صبعك تكفي للركب و اللاكواع و المناطق الجافه الثانيه

اذا حابه تكون لها ريحه عطريه ممكن تذوبينها بحمام مائي او بالمكرويف و تضيفين لها كم قطره من اي زيت عطري تحبينه او مسك او دهن عود ، الريحه اللي تحبينها ، بتغطي على ريحتها علطول

أو أحيانا بعد مااستخدمها و شوي يتشربها الجلد احط فوقها من الكريم او الزيت اللي احب ريحته

 

ترطيبها اجمل ترطيب شفته بحياتي 😵💙

يخلي الجلد مثل المخمل من النعومه و كيف ترطيبه يثبت ، تلاحظوني دايم احب الترطيب بالأشياء الخام الطبيعيه ، لأني شفت النتيجه الحقيقيه منها صراحه ، مو بس ترطيب ، علاج مشاكل اخرى بعد من توحيد لون و ازالة اثار و حبوب و غيرها

قوامها قاسي لكن اذا ذابت تصير مثل الزيت ، فـ صرت اخلطها مع الزيوت الثانيه و الكريمات

ريحتها دارك تشوكليت مرره ودك تاكلينه

فوائدها من موقعهم :

1- ترطب و تنعم البشرة وتعيد للجلد مرونته.

2- تمنع وتكافح شيخوخة الجلد والتجاعيد.

3- غنية بمضادات الأكسدة.

4- غنية بفيتامين E والأحماض الدهنية.

5- مناسب للبشرة الحساسة.

6- تقلل من حكة الجلد بسبب الصدفية والإكزيما و جفاف البشرة.

7- مناسب لجميع الأعمار حتى الأطفال الرضع لأنها طبيعية 100% ولا تضاف لها أي مواد كيميائية.

8- تمنع ظهور الخطوط البيضاء بعد الحمل وزيادة الوزن.

9- مرطب ومقوي لخصلات الشعر.

10- تدليك الجسم للتخلص من الإجهاد وتخفيف الألم.

11- مناسب لتشققات الجلد و الشفاه.

مشكلتها قوامها قاسي جدا ، ماتقدرين تاخذينه بيدك ، ياأما احك شوي منه بالملعقه و اذوبه بحرارة يدي ، او احطه بالمكرويف و اخذ منه ، هالشي خلاني مااستخدمه لحاله بشكل مباشر ، صرت اخلطه مع زيوت ثانيه عشان يلين

  

بهالوقت صعب جدا نلقى زيوت تكون ١٠٠٪ صافيه و معصوره عالبارد

حبيت كثير زيوتهم جودتها عاليه و شفت الفرق باستخدامها عن غيرها

استخدمها للشعر و للجسم كذلك

خصوصا زيت الجوجوبا خفيف و ترطيبه عالي استخدمه للجسم حتى لترطيب الوجه

بالنسبه للترطيب كلما كانت منتجاتنا طبيعيه ١٠٠٪ و خام بدون اضافه اي مواد كيماويه بنلقى نتيجه آفضل لجلودنا و صحتنا ، خصوصا انه الجلد هو المدخل الاول للسموم ، كذلك للفيتامينات ، فـ حلو يكون الشي اللي بتحطه بجلودنا ١٠٠٪ طبيعي و يكون فيه فيتامينات

جل الصبار من الأشياء اللي حلو بعد تتوفر بكل بيت

لتجديد الجلد ، و للشعر كماسك

بالنسبه لاستخدامها كترطيب ، ماحبيت ، تدبق بالجسم ، لكن اذا خلطتها مع اي كريم او زيت او زبدة شيا او كاكاو تعطي نتيجه نعومه تجنننننن

و جدا رائعه للوجه كـ ماسك قبل النوم ، تحطينه و تنامين و اذا قمتي تغسلينه ، هذا سر جمال بشره وحده من البنات يوم سألتها ايش السر 😉

سيتخدم كبديل طبيعي للجل ، تهجدين فيه العطاطيب على قولة نهى نبيل 😄 و حلو تحطين مسسسحه منه و الشعر رطب ، و بعدها تصففينه بالشكل اللي تحبين تشتسورينه او تسوينه ويفي ، بيعطي لمعه مثل اللمبه 😍👌

 و بما اننا تكلمنا عن الشعر احب اضيف هذا المنتج

جل تسريح للشعر ، مكوناته امنه و طبيعيه من زبدة شيا و خيار و صبار و غيره الكثير ، يعني ايش احسن من أنك تصففين شعرك بنفس الوقت تغذينه و تعالجينه بنفس الوقت ، حتى البالعروس و المناسبات الكبيره صرت استخدمه ، طبعا للتسريحات اللي ماتحتاج تثبيت عالي ، مع انه فيه بنات جربوه بتثبيت الويفي و ضبط معهم لاخر المناسبه بس انا شعري مقلب فـ ماجربت اغامر فيه ، لكن للبوني تيل او الستريت جربته و يعطي لمعه حلوه ، ولما ترجعين مايحتاج تستعجلين بغسيله من شعرك ، عادي تمشطينه مشطتين و يطلع خلاص

شامبو الأطفال آمن و ريحته تجنن ناعمه و خفيف لشعر الاطفال ، حبيته و اعتمدته لهم

الصابون الافريقي استخدمه للحمام المغربي و وقت لما احس بشرتي جاافه ، ماينشف و مكوناته كلها طبيعيه و خالي من الكيماويات ، شي معتمد عندي بالبيت 🙏

ريحته نظافه مثل الصابون ، مفعوله جميل جدا للبشره خصوصا انه مليان فيتامينات من الزيوت اللي ضايفينها له

المعتمده عندي لوقت الأكزيما ( الصبار معروف مفعوله للاكزيما ) و للبشره المتهيجه خصوصا الوجه ، و اوقات الحساسيه و للاطفال كذلك

خفيفه جدا و ريحتها حلوه

كويسه لبعد الحلاقه او تنف الشعر

مقشر القهوه ، ريحته تيراميسو 😍

تقشيره خفيف و ريحته تعطي نشاط الصباح ، احب مقشرات القهوه لأن القهوه لها خاصية ازالة السليوليت و تحريك الدوره الدمويه ، خفيفه و مرطبه

باختصار حقت دلاااااال 💕

 

زيوت المساج جدا راااائعه ، استخدمها للمساج و للترطيب بعد الشاور كذلك اعتمدتها بعد ماخلصت خلطة الزيوت اللي كنت اعملها للجسم

خصوصا انه فيها زيت اللوز و زيت الافوكادو و زيت الزيتون مع فيتامين اي

الورد يا ورد 🌹 ريحته نفس الورد الطائفي ، اتخليها تجنن مع بخور ، تجيب السعااااده صدق دلال اذا ترطبتي فيها او سويتي فيها مساج

بدون مبالغه ، أحسن ليفه مغربيه جربتها ، جربت السوداء كنت موصية عليها من المغرب ، و جربت صناعه سويه ، و جربت حقت بودي شوب ، و جربت حقت نزيه

هذه اححسن وحده صدق اطلبوها و انتو مغمضين من الاشياء اللي مارح تندمين عليها باذن الله

بين أنها ناعمه ماتخدش البشره ، بنفس الوقت تقشششششر من قلب ماعمره طلع مني جلد ميت كثر اللي طلع من استخدامها 👍

تنظظف من قلب مررره حلوه

ريحة بودرة جونسون باختصار 💕

العطر كولونيا حلو لملابس الطفل تبخينه داخل دولابه وه بس 😍

هذا العطر اللي الكل حبه

ريحته على اسمه ، نظااااافه ، يجنن بعد الشاور ، أستخدمه للنادي ريحة انتعاش مره ، و استخدمه للاطفال بعد بعد الشاور

ريحته قويه مره بنات ،  يعني بخه وحده تكفي أكثر من بختين بتشرقين 😂

و ثباته ممتاز و فواااح مره ، اول ماوصلني بخيت منه بالجو عشان اجربه ، طلعت من الغرفه وقت و رجعت لقيت الريحه لازالت ماشاء الله

زيت جوز الهند ، معروفه فوائده طبعا ، خفيف لترطيب الجسم بعد الشاور ، و للشعر رائع ، ريحته خفيفه ، شخصيا معتمدته للمضمضه بالزيت ، اضفت معاه قطرات زيت قرنفل و طحنت مره ، و نقعتهم سوا ، و صار عندي افضل غسول للمضمضه بالزيت ( اقروا عن فوائره جباره )

الدلال اللي بتستحقه يدينك بعد الكرف 💕 ترطيب ثقيل جدا ، ممتاز لوقت الجفاف الزايد ، اهل المناطق الجاقه بينفع لكم اكثر شي ، استخدمه حتى للاقدام يرطب بعمممق ، من مكوناته الاساسيه زيت الخروع ، عشان كذا ترطيبه ثقيل ، حتى بعد ماتغسلين يدينك يضل الترطيب موجود تمتصه البشره كويس ، مايحاج احكي عن ريحته خيال بعد 💕

 

 

منتج خفيف لطيف ريحته حلوه خفيفه بدون مواد كيماويه مضره ، تجربتي معاه ناجحه ، كثير بنات يقولون ناسب بناتهم الصغار و المراهقات كذلك

 

غسول نسائي لطيف عالبشره خالي من المواد الكيماويه المضره ، كذلك يحافظ على المعدل الهيدروجيني للمنطقه الحساسه ، مايستخدم كل يوم مثل اي غسول نسائي اخر ، لكن حلو بين وقت ووقت لما تحسن انك بحاجه ، بداية الالتهاب او الحكه بينقذك منها ، مع الشاور او الحلاقه ، منتج ناجح بالنسبه لي و رح يعتمد باذن الله

 

حبييييته كثير  ،مع اني مااحب معاجين الاسنان اللي فيها كثير نعناع ، احب العطور الثانيه اكثر ، هذا خليط بين الزورماري و الهيل و ورق الشاي و نقطة برتقال ، جدا جدا رائع ، بدون اي مواد مضره ، الرغوه فيه قليل و هذا دليل انه بدون اي كيماويات مضره ، بدون فلورايد ، صار معتمد لي و لأطفالي

 

نروح للمجموعات /

فرحت فيها كثير يوم وصلتني ، مجموعه دلال و حمال ، ألطف هديه ممكن ترسلينها لصديقه ، أو لك طبعاً ، فيها غسول للبشره ( إنتاج كوري ) و ماسكات كثير حبيتها و  أثرها بين بوجهي علطول ، مرطبات الشفايف رائعه و لا تجفف الشفايف بعد مايخلص مفعولها ، مكوناتها طبيعيه من الشيا و الكاكاو و الجوجوبا ، منتج كثير يستحق الإقتناء أو الإهداء

شايفين كمية المنجات الموجوده بالبوكس ؟؟ و كل منتج أحلى من الثاني ، اللي حولي يعرفون انه من ضمن الهدايا اللي اهديهم لازم يكون هالبوكس و كل مره يدعون لي كثير لما أهديهم ياه أنه فكيت لهم ازمه ، كل اشياء العنايه موجوده ، كلها عضويه و نظيفه ، كل اغراض الحمام المغربي و زيوت العنايه و الصوابين و الزبدات ، مجموعها لو تشترين كل منتج لحال بيكون 1272 ريال ، عليه تخفيض ٨٥٠ ريال ، فوقها مع كودي non15 بيخفض لك زياده ١٥٪ فوقها كله . متصورين العرض كيف

احب اهديه للي توها والد بعد كهديه نفاس تسعد فيه وقت نفاسها ، احب اهديه بالاعياد ، مو بس لعرايس ، حلو تتقاططين فيه انتي و خواتك تتقاسمونه و كل وحده تاخذ المنتج اللي تحتاجه ، أشوفه من اروع العروض الموجوده بالموقع

هذه المنتجات اللي جربتها وقت كافي او جربتها لين خلصت و طلبتها مره ثانيه 🙈 مثل زبدة الشيا و صابون الصبار و الصابونه الافريقيه

بعض المنتجات لازالت تحت التجربه ، بعض المنتجات ماناسبتني لكن ناسبت غيري ، بعض المنتجات حاطتها بالسله بطلبها باذن الله و بقول لكم عنها اذا اعجبتني

هالتدوينه قابله للتجديد ، شيكوا عليها كلما سنحت لكم الفرصه

رؤى الطبيعه ، أهنيكم على جودة منتجاتكم و فخوره فيكم ، مع تجربة كل منتج تثبتون لي شقد انتو قد التحدي بروعه و جودة المنتجات ، انتقاء رائع أتمنى لكم التوفيق