باشاميل صحي نباتي

ياهلا و مرحبا

من أكثر الوصفات اللي أنسأل عنها : كيف نسوي باشاميل صحي ؟

الباشاميل من اسهل الوصفات اللي نقدر نخليها صحيه حتى ماينشال همها

نقدر أننا نسوي بدائل بس بنفس الطريقه الأصليه : بدل الطحين الابيض بر – بدل الحليب البقري نباتي – بدل الزبده ، ولا شي 😬 مايحتاج بديل للزبده مو لازم هالمكون و بتطلع مثاليه

و بدل الماجي بهاراتك اللي تحبين بس

طريقتي اللي حبيت اشارككم ياها اليوم من أفضل الطرق اللي جربتها ، حتى حبيتها أكثر من اي باشاميل ثاني

و الجميل بالموضوع أنه مكونها الرئيسي هو البطاطس

يعني نكون دخلنا الخضار اكثر بنظامنا الغذائي

نروح للطريقه

المقادير ( و تقدرون تغيرون فيها حسب ذوقكم ) /

  • ١ بطاطس مسلوق و مهروس

  • ١/٤ ك أي نوع حليب

  • بهاراتكم اللي حابين : ملح – فلفل – ريحان – زعتر – ثوم – بابريكا

و تخلط جميع المقادير بالخلاط

عوافي

13 Comments

Add Yours →

السلام عليكم ورحمة الله وبركاته
انا جديده بالمجال الصحي
بس رحمة الله أولاً اللي دلني عليها
ثم
من قوة الاكتئاب اللي جاني
حطيت فبالي مدونة نونيتا
اللي طلع اسمها
نوره البدران والنعم ألف بها♥️
وماعلى المسلمين قصور جيت اشوف

بس معليش يعني
بعد ماراحوا بالخلاط وش نسوي فيهم

انا حطيت بدل الحليب كاجو منقوع مع بطاط مسلوق ورشة فلفل اسود وملح ورشة فلفل حار ورشة خميرة غذائية وشوية ماي و فالخلاط
طلعت لذييييييييذة بقوة

بجربها اليوم ع الفطور، متحمسه للطعم كيف بيكون
جزاك الله خير وربي يسعدك سعادة الدارين ♥️♥️

مدونتي كلها وصفات نباتيه ،، و اذا حطيت مكون غير نباتي احط لكم البديل النباتي له

في السناب ما ذكرتي حليب واضفتي شوفان
وفي المدونه ذكرت حليب وماذكرتي الشوفان .
وشو الصح لاني بطبقها .

شكرا لك ياااريت تكون وصفات مقاديرها نباتية فقط لاني جديدة في المجال النباتي وماعندي فكرة على الاطباق النباتية. او تدلوني على موقع فيه اكلات نباتية يكون عربي.
ممتنة ♥♥

اترك تعليقاً

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.