الـ bath bomb بالبيت بالمكونات و الروائح اللي نحب

فكرة الباث بومب هي املاح تسوي فوران بالبانيو و تعمل ريلاكس و ترطيب و سحب سموم بروائح عطريه و فوق هذا كله ” القليل من الدلال ” ، كلنا نحب كذا صح ؟ 🙈

اشوفها بالاسواق و محل لش هم المشهورين فيها كذلك موجوده بروائح كثير عند اي هيرب

حبيت اجرب اسويها بالبيت خصوصا اني ابي اتحكم بريحتها + نوعية الزيوت اللي بحطها + نوعية الملح اللي ابي اضيفه ، ابي يكون على مزاجي و بالتأكيد هو الحل الأوفر ، رح نسوي كمية كبيره بسعر حبة وحده ممكن ناخذها من السوق

طريقتها سهله فوق ماتتخيلون

عندنا المكونين الرئيسيين للباث بومب هم /

• بيكربونات الصودا

• ملح الليمون أو الستريك اسيد

كلهم موجودين عند قسم المخبوزات بالبقالات، و هذول المكونين اللي بيسوون لنا التفاعل و بتخليه يفور اذا حطيتيه بالماء

المكون الرئيسي الثاني هو /

• الملح المستخدم ( أفضلهم الإبسوم يساعد على استرخاء العضلات و استعاده المغنيسيوم الناقص و سحب السموم – كذلك ملح الهملايا فيه الكثير من المعادن المفيده – الملح البحري – ثم الصخري )

• نشاء أو شوفان يخلون المزيج يتماسك اكثر و لهم فوائدهم للبشره

 

و نختار أي نوع حابينه من الزيوت المرطبه /

• زيت اللوز او الأفوكادو او الارقان او الخروع

• و نقدر نحط قطرات من فيتامين e أو c للبشره عشان ندعم فائدته

الروائح اللي حابينها /

• نحط قطرات من اي زيت عطري نحبه ( اللافندر للاسترخاء و المساعده على النوم – البرتقال و الليمون للنشاط الصباحي – الكينا لمشاكل التنفس و الزكام – الكافور لرفع المعنويات – النعناع للانتعاش – شجر الشاي للتعقيم )

• و ممكن نحط فانيلا الطبخ او بودره قرنفل أو قرفه اذا ماعندنا زيوت اساسيه

و اخر شي لون الباث بومب /

• ألوان طعام

• أو الوان طبيعيه مثل الكركم و العكر فاسي ” دم الغزال عند العطارين “

• أو فقط تخلونه ابيض او بلونه الطبيعي

و نحتاج قالب سيليكون لعمل الباث بومب فيه أو قالب الكره اللي يعملون فيها الباث بومب تنلقى عند امازون او محلات الكماليات مثل هذا

هذا بالنسبه للمكونات اللي نحتاج تتوفر

المقادير تقريباً كالآتي /

1. ١ ك بيكربونات الصودا

2. ١ ك ملح

3. ١/٤ ك نشاء او شوفان

نخلط هالمكونات الجافه لين تتجانس و نحرص انها ماتكون متكتله، ثم نضيف المكونات السائله /

1. ٥ م زيت

2. كميه من الروائح اللي حابينها

3. اللون

نضيفها بالتدريج مو مره وحده عشان مايتكتل ، و نضل نخلط لين مايصير الخليط كله متجانس مثل التراب الرطب

و شوي شوي نضيف ١/٤ ك ملح الليمون و نحرك بسرعه

و نرصه بالقوالب بقوه و نخليه طول الليل لين مايتجبس أو يقسى و يتماسك ، اذا شلناه علطول بيتفكك

و يحفظ بمكان جاف و عافيه عليكم

 

 

بويكم بعض الأفكار الابداعيه لاملاح الحمام ممكن تستوحون منها مثل اللي يحطون بتلات ورد او لافندر او شاي او شوفان 👌