العنايه الأنثويه .. فقط للإناث

 

أهلاً جميلااات

موضوعي اليوم كثير بنات يحتاجونه -أو- كل الأناث يحتاجونه ، أرسلوه لكل بناتكم خل يستفيدون منه بحاول أغطي كل التفاصيل بهالموضوع

خصوصاً أنه فيه شح كبيير في ذكر المعلومات المتعلقه بشأنه ، على قد ما هو مهم لكل بنت ، متزوجه أو لا ، صغيره أو كبيره

رح أتكلم من زاويتي ، الصحيه الطبيعيه العضوية

مارح اذكر منتجات صناعيه أو تركيبات كيميائيه ، رح أتكلم عن كل مايخص عناية الإناث من منظور طبيعي و يارب أقدر أغطي الموضوع من جميع النواحي

و بالأول و الأخير استشيري طبيبتك في حال كنتي حامل أو حالة خاصه أو في أي حال تحسين نفسك مو متنطمنه

(كل الصور مجرد تضغطون عليها توديكم لرابط المنتج علطول )

خلينا نتكلم عن النظافه أولا

المنطقه بتتغسل بالماء طبيعي و مهم كثير تجفيفها تماما بعد كل غسله

الغسول مايستخدم يومي ، مو منتج مهم و روتيني مثل ما “مسوقين شركات الغسولات” موضحين لنا ، بالواقع إذا سألتي أي طبييه نساء رح تقول لك أنه مو استخدام روتيني

لأن بالمنطقه فيه بكتيريا نافعه تحمي المنطقه + معدل حموضه معين

كثرة استخدام الغسولات بالمنطقه تسبب خلل في نسبة البكتيريا أو معدل الحموضه بالتالي تصير الإلتهابات و الحكه و غيرها ، و هذا سبب اللي تقول لك ـ مع أني أهتم بالمنطقه بالغسولات بس دايم تلتهب –

المنطقه ربي خالقها نظيفه و ببيئه متوازنه مانبي نخرب هذه البيئه بكثرة المستحضرات فيها

متي نسخدمها ؟

وقت لما تحسين أنك بحاجه لنظافة هالمنطقه – حابه تنتعشين – يعني كل يومين ثلاثه اكثر ، حسب إحساسك بأنه المكان يحتاج تنظيف

الغسول كلما كان طبيعي أكثر + خالي من العطور الصناعيه + يحافظ على معدل حموضة المنطقه ، كلما كان أفضل

الغسولات اللي أرشحها :

من آي هيرب كود الخصم wlc948

خفيف و برائحة البرتقال ( مصدره مركز زيت البرتقال مو عطر صناعي )

سيباميد خياد جيد موجود بصيدلياتنا للي ماتقدر تطلب

كذلك يمكن استخدام الصابون الطبيعي مثل الغار و غيره للمنطقه الخلفيه خلال الشاور و كل الجسم

ماننسى الحرص على استخدام الملابس الداخليه القطنيه

يكون مقاسها مناسب مو ضيق كثير يضغط و يكتم المنطقه

و الشورتات افضل و أريح خيار

مع تغييرها بشكل يومي

بالنسبه لوقت الإلتهابات

كاحتراز وقائي أول ما تحسين بحكه و تقريص علطوول بخي كم بخه منه

أيونات الفضة من اي هيرب كود الخصم wlc948

شي مثل الإلتهاب علطول ابدي اعملي اجراءاتك بعلاجه لا تنتظرين عليه لأنه رح يتفاقم مايطيب من نفسه

و أفضل إجراء تعملينه هو أيونات الفضه ، خصوصا هذا النوع خفيف و مناسب للمنطقه ، يعتبر مضاد حيوي طبيعي و معقم آمن ١٠٠٪ بإذن الله

صديقيني رح تودعين المستشفيات اذا اعتمدتي عليه بإذن ربي

استخدامه : بختين او ثلاث عالمنطقه بعد كل حمام اعزكم الله لين ماتحسين الحكة راحت

– كذلك جربت زيت جوز الهند مع كم قطره من زيت شجر الشاي و اللافندر للتعقيم وقت الالتهاب حسب توصية علياء المؤيد و كان فعلا رائع ، بس يدهن داخلي و خارجي ، مره مرتين و المكان يرجع نظيف بدون التهاب

طيب احيانا الالتهاب يصير شديد وماينفع فيه أيونات الفضه ( مثل التعرض لبعض الظروف احياناً : سباحه بمياه ملوثه أو بركه – تحسس من قماش ملابس داخلية غير قطنية – تركيب لولب – سفر و تغير اجواء – بداية حمل أو أول الزواج )

هنا بنستخدم

بيكربونات الصودا

تعتبر معقم قوي و أمن ١٠٠٪ بإذن الله ، مفعوله موازن لحمضية المنطقه و يفضي عالإلتهاب بسرعه بإذن الله ، لكنه معقم قوي يعني استخدميه وقت الإلتهاب الشديد مثل ( ألم بطن – افرازات مع رائحه – ألم بالمنطقه – حكة شديدة )

استخدامة : يخفف بالماء و يشطف خارجيا -لغير المتزوجات- و داخليا-للمزوجات- (بأداة الإبره أو بأداة الدش المهبلي عند الصيدليات)

تقريباً مدة ثلاث ايام

كذلك ممكن استخدام ايونات الفضه بتركيز أعلى مثل ٢٠٠ ppm

بعد ماتعتمدين على هذه الإجراءات بتودعين المستشفيات ( خصوصاً أنه سوالف عيادات النساء ماتخلص 🙄)

لكن إذا حسيتي أنك ماتقدرين تتصرفين بنفسك و الالتهاب ازعجك ضروري تروحين المستشفى تعالجينه ، أهم شي الإلتهاب مايترك لأنه بيزيد مارح ينقص و بيخلف مشاكل أكبر لاقدر الله

 

العاده الشهرية

قبل ماتجي العاده بثلاث ايام إلى أسبوع نحرص أكثر شي أننا نكون نباتيين ، نترك الأجبان تماما – شوفوا مقالة الأجبان آفة العصر – لأنها بتكون سبب بآلام العاده

نحرص نكثر مصادر مغنيسيوم مثل الشوفان و منقوع التين المجفف و زيت المغنيسيوم

كود الخصم wlc948

عشان تجينا براحه و بدون شد و ألام بإذن الله

نشرب الأشياء اللي تخلينا ريلاكس ( البابونج القرفه الميراميه النعناع شاي ورق التوت )

هذا الشاي لوقت الحيض جميل جدا

كود الخصم wlc948

و نحرص وقتها عالتدفئة وعدم التعرض لتيارات بارده

 

 

الفوط الصحية

هالموضوع تكلمت عنه باسهاب الجميله علياء المؤيد بهذه الحلقه شوفوه

تكلمت علياء هنا عن أضرار الفوط الصحية التجاريه لما فيها من كيماويات و مبيضات و سموم تدخل الاجسام بشكل مباشر لأنها تستخدم عالمنطقه الحساسه و بالتالي تسبب آلام دوره أكبر و إلتهابات مستمرة و غيرها هذا غير أثرها عالبيئه أنها البلاستيك اللي فيها مايتحلل + القطن مايتحلل الا بعد ٤٠٠ سنه

فـ افضل خيار بيكون الفوط اللي يعاد استخدامها

دقيقه

أنا مثلكم و الكل كذا بالبدايه استنكرت الأمر كثيرا ، طبيعي جدا ، اذا قولبتيها براسك بتقتنعين مع الوقت صدقيني

كبداية ممكن تستخدمين الفوط الصحية العضويه اللي خالية من المبيضات و الكيماويات و تكون ١٠٠% قطن مثل هذه

كود الخصم wlc948

و الماركات و الأشكال كثير عند آي هيرب ، هل فيه بالسوق عندنا ؟ شخصيا لحد اليوم ماشفت ، كله برا أون لاين، كذلك موقع ممز وورلد عندهم عضويه اذا حابه تطلبين كمية كبيره ( سياسة الجمارك السعوديه بأي هيرب ماتخليك تشترين اكثر من ٣ حبات من نفس المنتج )

أما الريوزبل بادز اللي يعاد استخدامها

فكرتها ابسط مما تتصورين ، تتغير كل ساعتين او ثلاث بالأيام الغزيره ، يعني تحتاجين اكثر من ٥ حبات

تغسلينها مباشرة بالحنفيه مع اي صابون عندك او شامبو و تخلينها على جنب لين ماتجمعين كذا حبه ، و عالغساله مع صابون طبيعي و ديتول و تنشرينها بالشمس – بس

الموضوع بسيط جدا خصوصا اذا جربتيه بتلقينه بهذه السهوله

شخصيا مااعتبره خيار مناسب و عملي للسفر والطلعات ـ مع انه كثير يستخدمونه كل وقت ، تجي معه شنطه بلاستيكيه مخصصه تحطينه فيه اذا رجعتي تغسلينه-

إقتراح / قطري عالباد قطره او اثنين زيت عطري من برا ، بما أنه مافيه عطور و كلور فـ مارح يعزل لك الروائح ، الزيت العطري بيشتغل تمام مع الموضوع

خيار أخر للمتزوجات عليه مدح كثير خصوصا عند الأجانب

كود الخصم wlc948

– للمتزوجات – فيه مقاس صغير للكل و مقاس كبير للي ولدت فوق ٥ ولادات او كبيره بالسن

طريقة وضعه موجوده بيوتيوب و سهله جدا ، أشوفه انظف من الباد بعد لأنه بيتغسل و يتعقم بسهوله فيه له محلول معقم مخصص كذلك ممكن استخدام الماء المغلي و الملح

سؤال الحريم أتخيله 😄 : يوسع ؟

لا ماله دخل 😄

لكن افضل اقتراح عشان تكونين متطمنه بخصوص هالموضوع ، انه تستخدمينه اول ثاني يوم ( وقت غزاره الدوره ) بعدها اذا بدت تخف و تخلص استخدمي الباد عشان تعطين مساحه للمنطه تشد و تتسكر براحتها

كذلك ضروري الحرص على تعقيمها و غسيلها بالغسول بعد كل استخدام ، و غليها بالماء قبل الاسخدام كذلك ، عشان ماتصير مصدر للبكتيريا و الالتهابات و اذا تبينها تمسي معاك تمام احرصي عالتعقيم لا تهملينه

لكنها اختراع ممتاز جدا خصوصا وقت الطلعات كثير كثير عمليه ، مريحه و ماتحتاجين تغييرها كل ساعتين ، تصمد معك لين ٦ ساعات ماتتعبى كلها ، اشوفها افضل خيار للسفر و المناسبات

مايسرب الا اذا ماتركب زين ، أول الأيام ممكن استخدام الريوزبل باد احتياط بس بعدين عادي

و هذا افضل فديو يشرح لك كل التفاصيل عنها ، كل نقطه ذكروها مهمه شوفيه كله اذا عندك حيره بهالموضوع او تبين تجربينها

الحلاقة

المنطقه لازم تتحلق و تصير نظيفه علطول بنات -للبنات الصغار-

تنشال بموس عكس اتجاه الشعر من كل مكان ، تبللين المنطقه بالماء- افضل شيء وقت الشاور- و تحاولين تعملين شوي رغوه بالغسول و تمشين عكس اتجاه الشعر

و إذا بتسوين ليزر بالمنطقه افضل حل و أرشحه لكل النساء و فكرته أمنه جداً ( مجرد حرق لبصيلات الشعر عشان ماتطلع )

بعد الحلاقه أو الليزر تبخ المنطقه بأيونات الفضه

هذا الكريم ممتاز لما بعد الحلاقه أو أي مشاكل أو حبوب تصير بالمنطقه و أمن تماما ، عباره عن تركيبه عشبيه فيها مره و أيونات فضه و غيرها

كود الخصم wlc948

كذلك لأيام الحر و بعد الشاور احيانا اذا بغيتي تنتعشين أو عروس ممكن تستخدمين هذه البودره ( من ورا مو قدام )

كود الخصم wlc948

مو منتج مهم لكن اضافه جميله و مايستخدم يومي

هذا كان كل شيء تقريباً

اذا عندكم اضافات شاركوني ، أي أسئله تفضلوا رح اجاوب او اضيفها للتدوينه حسب خبرتي -لكن تذكروا انا مش طبيبه ولا اخصائية-