كثير من اللي حابين يقطعون القهوه يبحثون لها عن بديل ، يجيب الراس ، يعدل المزاج ، خصوصا انه القهوه صارت صديقه أكثر من مشروب ، صح ؟ 😂

قهوة الشعير صحية اكثر ، بدون اضرار ، مع فيتامينات و هرمونات سعاده

و طعمها قليل اللي يفرقونه عن القهوه العربيه خصوصا انه نفس بهارات القهوه ، و نفس طعم التحميص

طريقتي /

  • اشتري حبوب الشعير العضويه من الوطنيه و اغسلها و اجفهها
  • احمص حبوب الشعير على نار وسط في صاج لين ما تتحمر الحبوب و احصل على درجة التحميص المفضله
  • بعد ماتبرد الحبوب احطها بالطاحونه مع بهارات القهوه المفضله ( هيل ، زعفران ، قرنفل ، قرفه )
  • اطحنها طحن نااااااعم اكثر شي ، اطول و انا اطحن عشان تصير ماتحتاج طبخ
  • اضيف ملعقتين او اكثر على الترمس ، و اخلطه بششوي ماء بارد علشان مايتكتل ، ثم اضيف الماء المغلي بالتدريج

صحتين و هنا