نتيجة بحث الصور عن ‪weight‬‏

عصقولاتي 🤓

موضوعي اليوم لكم خصيصاً ، خصوصا أني كنت سابقاً من معشر العصقولات و قدرت اعمل كنترول على هالموضوع

طبعاً دايم من المعروف أنه زيادة الوزن اصعب من تنزيله ، خصوصا للي نحاف منذ الصغر بيكون اصعب عليهم يزيدون وزنهم بالشكل اللي يرضيهم

خليني احكيكم قصتي قبل عشان تعرفون إيش اللي مريت فيه بخصوص هالموضوع

كانت نوره هذيك الطفله النحيفه جدا من طفولتها ، الحريم بالمجالس يقولون لأمها سوي لها تحليل ليكون فيها فقر دم و لا ديدان ببطنها 😅
و بعد التحاليل يطلع كل شي سليم و تمام لكن بنيه الجسم كذا ، الدكتور يصرف كم فيتامين و فاتح شهيه ، لكن مايعملون شي
بالمراهقه ، نوره تبي تحس أنها كبرت و صارت مراهقه مثل صديقاتها ، لكنها لازالت نحيفه و صغيره و جسمها مثل بنات الإبتدائي 😅
كانت تدور بالمنتديات خلطات و حلول للتسمين ، حلبه ، حبوب خميره البيره ، خلطة العسل و المكسرات ، خلطة الطحينه و المكسرات و الحلبه ، الحليب و السنكيرز بين الوجبات ، ٥ موزات عالفطور ، كل يوم غداء بيج ماك تشيكن و عشاء شاورما 😅
حرفياً كل شي ممكن ينعمل عملته ، ممكن يزيد الوزن كيلو او اثنين ، لكن مجرد ماتترك الخلطه يرجع كل شي مثل قبل
البنيه تزوجت و حملت وولدت ، دام يقولون الحمل و الولاده يسمنون البنت ، لكن الوزن دحدر أكثر 😂💔
الحمل نصه كان وحام شديد جداً ، عشان تكونون بالصوره ، الوزن وصلت لـ ٣٦ كيلو أول الحمل 💔 كم شهر مافيه شي يدخل البطن ابد , عالمغذيات بس ، و بعد الحمل رضاعه طبيعيه ، و اللي تاخذ من دهون الجسم كذلك ، فـ الحمل زاد الطين بله ماحصل المطلوب

 

نتيجة بحث الصور عن ‪gain weight‬‏

بعدها نوره تعرفت عالجميله روبي softmud90@ و هي مدربه شخصيه

و قررت تدخل في عالم الرياضه ، و تجرب تكسب الوزن عن هالطريق ، و تكسر كل القواعد اللي تقول الرياضه للسمان فقط أو اللي يبون ينقصون الوزن

الحياة صارت : نوم بدري ، صحية الصباح ، أكل منتظم ، رياضة مقاومه ، حركه و قوه و نست أمر شكل جسمها و صار المهم قوتها و صحتها

و حصلت نوره عاللي تبي أخيراً ، تخلصت من تصنيف نحيفه جداً مثل قبل ، و صارت تلبس M بدل XS

صورة ذات صلة

طيب

فيه العديد من النقاط اللي عملتها و ساعدتني في التخلص من النحافه

نتيجة بحث الصور عن فحوصات

أولاً :

فحوصاتك ، تأكدي أنه ماعندك مشاكل في الغدد ، امتصاص المعادن تمام عندك و أحماض المعده تمام و القولون و الفيتامينات بشكل عام و إذا عملتي تحليل شعر ممتاز بتعرفين سبب النحافه بالضبط

** و هالشيء بيتعالج كله مع نظام صحي سليم كذلك

 

 

ثانياً :

نظفي بطنك 😁

أعملي ديتوكس ، نظام مكروبايوتيك ، نظام الغذاء الحي ، أي نظام صحي يعتمد على الأكل النظيف ١٠٠٪ بدون لحوم و معلبات و مصنعات و منتجات حليب و أجبان ، فقط حبوب كامله و فواكه و خضار و عصاير ، لوقت مؤقت من أسبوعين لـ ٣ شهور حسب الهباب اللي صاير بجسمك 😂 وأنتي أكثر وحده تقدرين تفهمين جسمك و تعرفين شقد يحتاج تنظيف ( هذه تدوينة الديتوكس )

كذلك علياء المؤيد عندها نظام ديتوكس ممتاز ، و تلقون أكثر من طريقة في النت و أغلبها فعاله

أحيانا، مشاكل الأمعاء و السموم تمنع أنه جسمك يكتسب وزن و يستفيد من الأكل اللي تاكلينه بسهوله ، بعد مايترتب جسمك بعد الديتوكس رح تلقين نتائج أسرع بعده بإذن الله و تلقين دمك يرتفع بشكل أسرع و أي شي تاكلينه بيكسبك وزن مو مثل قبل

فـ التنظيف هي أول خطوه في تعديل نظامك الغذائي سواء نحافه أو سمنه

عادي يمكن تنحفين شوي خلال التنظيف طبيعي بعدها انتي بتشتغلين عشان تسمنين

 

 

ثالثاً :

عدلي نومك + نظمي وجباتك

ليش دمجت النقطتين مع بعض ؟ لأنه لخبطة النوم تخرب الساعه البيولوجيه عندك و تلخبط لك أكلك و تصيرين مالك نفس تاكلين أغلب الوقت ، ( و جعلنا النهار معاشا ) في الصباح الجسم يطلب أكل أكثر من المساء أو باقي اليوم ، حتى بتلاحظين اذا افطرتي بدري بعده بساعه أو ساعتين بسرعه رح ترجعين تجوعين

دايم لخبطة النوم تتعارض بشكل طردي مع لخبطة الأكل و مشاكل الوزن

فـ عدلي نومك و عدلي أكلك و رح تحصلين على نتائج أسرع

 

نتيجة بحث الصور عن ‪eat more‬‏

رابعاً :

زيادة السعرات + كميات الأكل

مهما لفينا و درنا بالحبوب و الخلطات و الأشياء هذه ، مافيه شي بيسمنك مثل كثرة الأكل

طبعاً إذا قلت أكل كثير ، أعني : فيتامينات أكثر و معادن أكثر ، لتغذي الدم و البدن مو سعرات فارغه مثل اللي بالمخبوزات البيضاء و الزيوت المهدرجه اللي بتخرب جسمك بدل ماترممه

عندنا برمجه قديمه مستفزه جدا بالنسبه لي ” الأكل الصحي حق اللي يبون النحافه ” الخبز البر للرشاقه ، اععععع ماتتصورون شقد يستفزني هالموضوع 😱

طبعاً الأكل الصحي متطلب للجميع ، صغار و كبار و سمان و نحاف ، الخبز البر بيساعدك توصلين للوزن اللي تبينه سواء سمينه او نحيفه

الأكل المتوازن الصحي بيوازن الجسم النحيفه تسمن و السمينه تنحف ، هذه الفكره بشكل عام أوكي ؟ أوكي ✋

خطوات لزيادة السعرات بشكل صحي و آمن :

نتيجة بحث الصور عن ‪gain weight‬‏

  • كثري السناكات بين الوجبات و خلي أكلك كل ساعتين أو ثلاث ، مثل الفواكه و التمر مع الطحينه أو خيار و جزر مع حمص أو كوب سموثي .

نتيجة بحث الصور عن ‪healthy oils‬‏

  • أطبخي و أشوي بالزيوت الصحيه مثل زيت جوز الهند أو زيت الزيتون أو زيت السمسم ، مثل شوي البطاطس أو الخضار

نتيجة بحث الصور عن ‪avocado‬‏

  • دخلي الأفوكادو بنظامك ، يحتوى على المغنيسيوم بشكل جميل ، و دهون صحية تغذي العقل و البدن و سعراته عاليه ، حطيه بالسموثي أو مع الساندويش أو البرجر اللي تحبينه .

نتيجة بحث الصور عن ‪nuts butter‬‏صورة ذات صلة

  • دخلي المكسرات كذلك في نظامك سعرات عاليه و فيتامينات كثيره ، زبدات المكسرات ( زبدة اللوز الفول السوداني القرع البندق و غيرها ) الزبده تعطيك كمية مكسرات كثيره بملعقة صغيره ، تقدرين تدخلينها مع السموثيات و الساندويشات و مع الفواكه أو مع الشوفان أو طبق السموثي

صورة ذات صلة

  • اختاري الجرانولا بدل الموسلي ، سعراته أعلى و بيكون أنسب لك ، خوذي السناك بار اللي يكون فيه سعرات أكبر و بروتين أكثر

 

  • أضيفي ملعقة أو إثنين شوفان للسموثي حقك لزياده سعرات ليكون لك شبه وجبه بينما هو سناك ، فهمتي الخطه ؟ 😏

نتيجة بحث الصور عن ‪seeds on salad‬‏

  • البذور اضافتها للأكلات كذلك لزياده سعرات بشكل ماتحسين فيه ، ( بذور الكتان و الشيا و بذور القرع و دوار الشمس ) رشة منها فوق السلطات أو طبق الفطور في الكورن فليكس أو الشوفان و مع السموثي كذلك .

نتيجة بحث الصور عن ‪dried food‬‏

  • الفواكه المجففه سعراتها أعلى من الطازجه ، استخدميها بكثره بعد 👍

نتيجة بحث الصور عن ‪whole wheat bread‬‏

  • استخدمي المخبوزات اللي مصنوعه من الحبوب الكامله ، فيتامينات أكثر صحه أكثر ، إذا صار فيها بعض البذور بعد اكسترا فايتمينز 💪

نتيجة بحث الصور عن ‪meal prep‬‏

  • تجهيز الوجبات المسبق يساعد على أنك تاكلين أكثر ، خصوصا اذا مالك مزاج تطبخين ، و هالشي يمنعك من انك تخربطين بالاكل

 

 

 

نتيجة بحث الصور عن ‪gain weight‬‏

 

 

خامساً :

الرياضه الرياضه الرياضه

موضوع أنه الرياضه للي يبون ينحفون هذه من الموروثات اللي مره غلط كذلك

الرياضه لتقويه القلب ، البدن ، قوة التحمل ، حتى ثقتك بنفسك و شخصيتك تتغير مع الرياضه

الرياضه هي اللي بتفتح لك شهيتك بنات ، تحسن دورتك الدمويه و تحسن حالة الهضم و امتصاص الفيتامينات ، يصير جسمك يستفيد من الأكل أكثر من أي وقت ثاني

و تمارين المقاومه تكسبك عضل ، يعني وزن بشكل مرتب مو شحيمات و كرشه و زنود

أنصحك تاخذين برنامج متكامل مع مدربه شاطره ، و أنا للأبد أرشح روبي ، ترتب لك برنامج يناسب وزنك و هدفك مع برنامج غذائي حسب المناسب لسعراتك

هذه نقطه جدا مهمه و هي اللي بتشوفين منها التغيير اللي يرضيك باذن الله

 

هذا منتج كويس لبعد التمرين بروتين مع بروبايوتيك و يساعد على زيادة الوزن

 

و هذا المنتج ممتازه اضافته مع السموثيات لزياده الفوائد فيه و السعرات ، فيه خليط من البروتينات مثل القنب و العدس و الفاصوليا

كذلك خليط من الخضار و الفواكه و الحبوب و البروبايوتيك كذلك ، منتج رائع خلطه مع الحليب او السموثي

 

و كذلك ضروري امنشن على مدونة انتي جميله ، اشوفها افضل مرجع للنحفات و برامج التسمين

http://you-beautiful26.blogspot.com/

و هذا كان كل اللي عندي أتمنى أنكم استفدتوا

 

و عطوني من تجاربكم بهالموضوع إيش اللي ضبط معكم و إيش اللي ماضبط 💓