واضح لكم اني احب الرافاييلو بس قاهرني كمية السكر اللي فيه 😆

بحثت كثير و جمعت كثير من الوصفات له و لقيت أسهل و اكثر وصفه طعمها قريب للرافاييلو التجاري ، كذلك بمكونات نلقاها ببقالاتنا

و الأهم مكونات أمنه نسيباً ، بدون حليب مكثف محلى و سكريات و حليب و غيرها

المكونات /

  • ٢ مغلف بودرة حليب جوز الهند ( نلقاها بالبقالات الكبيره قسم المأكلولات الآسيويه )
  • ١/٢ ك كريمة جوز الهند ( كذلك قسم الآسيويين )
  • ٤ م زبدة جوز هند ( مش الزيت ، الزبده )
  • ٥ م شراب قيقب
  • جوز هند مبشور للتغطيه
  • لوز مقشور أو بندق مقشور نيئ للحشو

الطريقه /

  1. نخلط مكونات العجينه ( بودره حليب جوز الهند – الكريمه – القيقب – الزبده ) حتى نحصل على عجينه متماسكه (ممكن نزيد بودره لين ماتتماسك )
  2. نخليها بالثلاجه من ٣٠ دقيقه لساعه عشان تصير اسهل بالتشكيل
  3. نكورها و نحشيها باللوز ثم نكورها و نغطيها بجوز الهند و تقدم