كل مايخص تجهيز المولود

ملاحظه ** بكل صوره تضغطون عليها يوديكم لرابطها بالموقع لطلبها اون لاين

ياهلا ،، الصغير الجميل اللي عندك يحتاج الكثير من الوقت و الأغراص اللي بتساعدك على العنايه فيه بشكل أفضل ، بحاول أغطي كل موضوع تجهيز المولود و احتياجانه من ٠ لـ ٦ أشهر تقريباً 

أبيكم تعرفون بالبدايه أني أميل للـ minimalism أكثر ، يعني ماأحب أكركب الاغراض عندي و أحب أخذ الأشياء اللي تخدمني بأكثر من غرض بنفس الوقت و بوريكم كيف

شخصياً أنصحكم بهالنمط من العيش ، قبل ماتشترين الشي للطفل ادرسي احتياك له ، و هل بتقدرين تمشين امورك بدونه او لا ، أو احسن نظام ، لا تشترينه ألا اذا شفني نفسك محتاجته ، لأن بعض الأشياء اللي بتشترينها بتلقين الطفل كبر و انتي مااستخدمتيها ، طولنا بهالموضوع خلينا نروح للاحتياجات

** بالنسبه لي وقت الحمل ماكان عندي وقت ادور بالاسواق و اسيل أكياس كان الموضوع ثقيل بالنسبه لي ، فـ أغلب أغراضي شريتها أون لاين من موقع مامز وورلد و اي هيرب و كوكونسنتر 

وهذه آكواد الخصم خساره اذا مااستفدتوا منها احفظوها عندكم :   كود خصم آي هيرب : wlc948 / كود خصم مزن : wht369

الملابس/

ضروري تحطين بعين الإعتبار الجو اللي بتولدين فيه اذا بيكون شتاء او صيف ، و طبعاً يكون ١٠٠٪ قطن و اذا كان عضوي احسن و احسن ، خلينا نتكلم عنه حبه حبه

  • البربتوز الداخلي /
    ناخذ منه كثر ، يمكن ١٠ حبات لأنه رح يستهلك كثير، حلو تاخدين السيت اللي يكون كيس فيه اكثر من حبه ٥ حبات أو ٣ حبات و خوذي لك شي يكون ابيض ساده و بدون اكمام يير لتحت الفساتين لبنات او بدل الاولاد او الثياب عشان ماتبين الطبعات اللي بالداخلي ، مافيه ماركات معينه خوذي اللي تحبينه ، ماذر كير سنتربوينت نكسن ماماز اند باباز ، و اتش اند ام عندهم خط ملابس قطن عضوي للاطفال اخذت منها هالمره
  • بالنسبه للبربتوزات كثير احبها و معتمدتها لطفلتني من الولاده لين ٦ شهور و هي ملابسها الرئيسيه حتى وقت الطلعات الخفيفه ، مريحه جدا للطفل و تخليه كيوت ، أنصحك ماتكثرين من مقاس نيوبورن خوذي ٣ او هالحدود لأنه مارح يلبسه كثير بسرعه بيصغر عليه أول الأيام يكبرون بشكل سريع تبارك الله ، بعدها كثري من ٠-٣ ، يمكن حدود ١٠ حبات ، وبعدها اذا حسيتي تحتاجين زياده او صغر المقاس اشتريه زياده ، و خوذي حبه او حبتين مقاس ٣-٦ لأنه بيجي اليوم اللي فجأه تلقين كل ملابس الطفل صغرت عليه ، و بيصير يلبسها لين ماتروحين السوق و تشترين دفعة ملابس جديده

كثير أنصح بهالأنواع من البربتوزات اللي تجي ازرارها تنلبس من جنب أو اللي مافيه ازرار بالوسط بس من تحت ، لأول شهر ، ماتضغط على السره و تخلي لها مساحه اكبر و مريحه اكثر للطفل ( الصوره توديك للرابط )

و كثير انصح بالقميص اللي مثل كذا مريح كثير للمواليد و يقعد عندك وقت طويل ، هالماركه قطن عضوي اضغطي عالصوره يوديك للموقع
  • البدل و البناطلين و الفساتين ، طبعاِ هنا لك الحريه بشراءها حسب ظروفك بذاك الوقت اذا بتمر عليكم مناسبات كثير او لا و اذا بيصير فيه عيد او غيره ، بالصيف حلوه الفستاين للبنات تبرد عليهم و بالشتاء اذا جتك بدله مليانه قطع جكيت و قبعه و شال ووه 😍، احرصي وقت اختيار البدل أو البجامات أنه بنطلونها مايكون يضغط عالبطن ، و تكون مريحه للطفل قدر الامكان مثل فكرة هذا البنطلون من ممزوورلد و شريت مثله من اتش اند ام بعد و اعتقد فيه بسنتر بوينت يمكن ، المهم اذا لقيتيه انصحك فيه
  • لبس الاستقبال / تحتاجين واحد او اثنين لبس استقبال حسب وضعكم و ميزانيتك ، البعض ياخذ شي ماركه روبيرتو كفالي أو فندي او ديور ، و البعض ياخذ من مصممات ، او من السوق عادي ، المهم تحتاجين لبس استقبال للبيبي لما يجونك الناس بالنفاس يكون شي مرتب و طقم مع المهاد و القبعه و غيره 
  • القماط أو الزمال / اذا بتولدين بالشتاء خوذي مهادات قطنها متين و خوذي اشياء تكون صوف او وبر تدفي الطفل ، و إذا صيف خوذي القطن الخفيف أو اللي تجي من البامبو مثل الشاش حلوه مره و ثباتها عالي ماتتفكك ، شفتها عند سنتربوينت عضويه و عند ماماز اند باباز و اي هيرب

كذلك النوع اللي ينشبك و يثبت كنت كثير متردده اخذه خصوصاً يوم سألت المتابعات عن تجاربهم فيه كانت الردود متناقضه كثير يمدحونه و كثير يسبونه ، لكن شخصيا تجربتي كانت ناجحه جداً معه ، ثااابت مايقدر يفكه الطفل بسهوله ، يعطيه احساس انه ملموم حسيت بنتي ارتاحت كثير فيه ، عيبه انه بسرعه يصغر عالطفل ، يعني خوذي حبتين منه بس يكفي ، اخذته من سنتر بوينت و هنا ( اضغطي عالصوره )

Summer Infant, Swaddle Me، لفة أطفال أصلية،حجم صغير، 0-3 شهور، 2 لفة
كود خصم اي هيرب : WLC948
  • القبعات / تحتاجين كثير اذا بيكون شتاء ، بالصيف مايحتاج كم حبه بس لوقت النفاس او لما تكونين توك مسبحته
  • القفازات / لا تنتسينها ، غير انها تدفي يده ، عشام مايمخش وجهه لأن أظافره بسرعه تطول ، و عشان تمنعين عادة مص الصبع عشان مايكتشفها ، بعد شهرين خلاص مارح يحتاجها لأنه بيبدا يستكشف حواسه و اللمس فـ نبي نساعده بهذاك الوقت ، ممكن تخلينها لوقت النوم اذا حسيتي انه لازم يغطي يده او اظافره طويله
  • الجوارب / مارح تحتاجين كثير خصوصاً اذا بتعتمدين عالبربتوزات اللي تصير فيها شرابها خلاص ، لكن بتحتاجينها مع البناطلين و الفستاين
  • المهاد / كثييير مهم ، خصوصا البكريات اللي لسا ماتعرف تشيل الطفل الصغير كويس ، بيسهل لك حمله و وقت النوم اذا كان يتحرك و يشيل الفراش من فوقه هذا بيكون ثابت يغطيه خصوصا بالشتاء ، و مريح لك لما تشيلينه اذا طلعتي و تقدرين تحطينه بأي مكان لأنه بيكون مثل السرير مريح له

معدات النظافه و الشاور /

  • مفرش تغيير الحفاظ / ممكن يجي مثل الدولاب و تحه اغراض الطفل لكني مااشوفه عنلي لأنه كم شهر و مارح تحتاجينه ، فأخترت اني اشتري صغير مثل الشنطه ، عملي و اقدر اخذه معي لكل مكان خفيف بالشنطه و فيه جيوب لأغراض التغيير و ماياخذ مساحه بالبيت ، و طبعاً لك الحريه باختيار الخيار اللي تشوفينه مناسب لك ، موجود عند اي هيرب و سنتربوينت
كود خصم اي هيرب : WLC948
  • قاعدة الشاور / موجوده عند الصيدليات و خذيت وحده من اي هيرب حبيييتها كثير خصوصا انه فيها مثل المنشفه عشان مايبرد الطفل و وساده لراسه و صغيره جدا ماتاخذ مساحه بالبيت ، عيبها صغيره مره يعني مارح تخدم بعد ٤ شهور تقريباً ، بس احس وقتها عادي بيكون الطفل يقدر يجلس فـ مارح احتاجها كثير بهذاك الوقت
Summer Infant, مسند استحمام مع أجنحة مدفئة، 1 طقم
كود خصم اي هيرب : WLC948
 

 

وقت النوم /

 

  • أول ٣ أو ٤ شهور أو نقدر نقول لين الشهر السادس ، بيكون خيار جيد أنك تخلين الطفل ينام معك بالغرفه ، خصوصاِ أنه نومه بيكون متلخبط و بيرضع كل شوي ، بعد الشهر السادس ممكن يصير ينام ٥ ساعات تقريبا وقتها بيكون الوقت مناسب أنه ينفصل عنك بالغرفه ، هذا السرير الصغير ناسبني جداًِ جداً استخدمته لبناتي الثلاث ، احطه معي بالسرير اياخذ مساحه و يتسكر مثل الشنطه و اصير اقدر اخذه معي لاهلي مثلا او اذا بطلع عند احد او مثلا سفر بيكون السرير خفيف و ينشال معي ، ناسيه كان من وين بس لقيته هنا ( اضغطي عالصوره )

 

الحفاظ و التنظيف /

  • حفايظ الاستخدام الواحد / أحرص أخذ غير الانواع التجاريه اللي موجوده بكل البقالات ، لأنها مو ١٠٠٪ قطن و تحتوي على كلور و مبيضات و مواد كيميائيه تأثر ببشرة الطفل و تكون مصدر سموم له ، خصوصا أنه اسخدامها بيكون يومي و علطول بتكون ملاصقه لبشرته .

فـ أحرص أخذ نوع يكون عضوي و ١٠٠٪ قطن و بدون كيماويات تضر بشرة الطفل ، الماركات كثير منه و التجارب اختلفت ، خوذي كذا نوع و جربي و اختاري الانسب لطفلك

بصراحه لحد الأن مالفيتهم بصيدليات و بقالات السعوديه عندنا فـ اطلبهم من اي هيرب و كذلك لقيته عند سنتربونيت

أي هيرب مع كود الخصم wlc948

 

  • حفاظات يعاد استخدامها أو Reusable Diaper / اللي هي الحفايظ القماشيه اللي تنغسل بعد كل استخدام ( طبعاً الحياة خيارات و آنتي لك الخيار باستخدامها أو استخدام اليوميه اختاري الأنسب لوضعك ) ، كنت مثل الكثير جداً متردده باستخدامها ” هل تسرب ؟ التعقيم ؟ التنظيف ؟ مريحه او لا ؟ يع 😅” لكن قررت أخوض التجربه و أعرف النتيجه بنفسي

لقيتها أوفر مال ووقت و جهد بأنك كل اسبوع بتشترين حفايظ جديده ، تاخدين ٦ او ١٠ حبات و خلاص تكفيك لـ٦ شهور لين سنه قدام ، فيها ازارير لتغيير المقاس حسب طفلك و تنظيفها أبببسط مما تخيلت

باختصار تحطينها عالمغسله » تشطفينها  بالشطاف سريع من اي عوالق » تغسلينها بالغساله او يدوي » تخلينها تحت الشمس تتعقم و خلاص

فيه ناس يشترون سله قماشيه مخصصه له و تجمعها و تغسلها مره وحده ( فيه انواع بأمازون قماشيه و تمنع التعفن و الروائح ) و فيه ناس يشترون غساله صغيره مخصصه له أو الغسيل اليدوي اسرع خيار

من ناحية الراحه كثير مريحه لبشرة الطفل خصوصاً أنها بس قطن ، أنظف للبيئه ” الحفايظ ماتتحلل ألا بعد ٤٠٠ سنه ” و أنظف لبيتك طبعاً لأنه مارح يمتلي بقمامة الحفايظ

جربت كذا نوع ، عند اي هيرب نوع واحد ماانصحكم فيه حزامه يضغط عالطفل مو مريح و يسرب كثيير ، عطيته فرصته بالاستخدام و جربت اغير المقاسات لكن ماكان ناجح ابد

النوع اللي ممتاز هو اللي بوريكم صورته من ممزوورلد و سنتوبوينت

تجي بأشكال و ألوان كثير ، و تصير فيه حشوه للامتصاص تدخلينها داخلها ، و ممكن تحطين حشوتين اذا نبي امتصاص أعلى وقت النوم مثلا

سلبياتها :

١- شكلها كبير باللبس يعني مع الملابس الشقه او الفساتين يصير شكلها كبير

٢- إذا طولت عالطفل تضايقه و تسبب تعرق للمنطقه و تسرب ، الحل / أنك تغيرين الحفاظه كل ساعتين او ثلاث حتى لو ماوسخ و تحطين بودرة بالمنطقه عشان تمتص التعرق

٣- بوجهة نظري غير مناسبه للسفر و الطلعات و العزايم مثلا  ( استخدم اليوميه العضويه بالطلعات ) مع أنه فيه ناس عادي يستخدمونها و يحطون المستخدمه بكيس قماشي و يغسلونها و فيه ملحق مناسب للسفر بوريكم ياه

الصوره توديكم للرابط

وهذا الملحق يسهل عليك التنظيف كثير ، مثل المنديل خفييف ويتحلل بسرعه بالماء عادي ينرمي بالسيفون ، يسهل تنظيف الحفاظه من البراز تكرمون يصير على هالمنديل بس ينرمي بالسيفون و الحفاظه تنغسل بشكل عادي

و هذا ملحق الطلعات او السفر ، يجي مثل الشريحه القطنيه المتينه تنحط على الحفاظه من فوق مثل الصوره ، وقت التغيير تنرمي هذه الشريحه بس و تحطين غيرها

 

  • البودره / قلنا نحطها بمنطقه الحفاط و ممكن عند الرقبه و تحت الابط بعد الشاور تريح الفل وقت الحركه اكثر ، نحرص نحتار له الانواع اللي بدون تلك و ألمنيوم

  • المناديل المبلله / عشان بشرة الطفل الحساسه جدا نحرص ناخذ شي خالي من الكيماويات قدر الامكان ، و خالي من البارابين و الكحول و العطور ، لازلت اجرب بالمنتجات و كل مره اطلب لي نوع من ايهيرب ، بس أحسن منتج مااختلف عليه اثنين هو الووتر وايبز ، عرفته يوم مدحته أفنان الباتل أنها تمسح فيه الميك أب ، ميزته أنه بس ماء ، مايسبب تحسس حلو لتنظيف منطقة الحفاظ و تنظيف الطفل بأول أيامه اذا ماكنتي تقدرين تسبحينه يصير تمسحينه بهالمناديل بس ، مناسب لكل العايله حتى لك

  • كريمات طفح الحفاظ / ممكن تستخدمنيها وقايه من الطفح و لاوقات الحساسيات ، أرشح لك الانواع اللي تكون طبيعيه قدر الامكان من زيوت و زبدات طبيعيه ، شخصيا استخدم زبدة الشيا الخام للمنطقه بس ، هذه بعض الاختيارات اللي ارشحها لكم

  • الشامبو أو الغسول / البشره هي المستقبل الأول للسموم ، عشان كذا مهم ناخذ شي بدون كيماويات و يكون طبيعي قدر الأمكان ، هذه المنتجات اللي معتمدتها حاليا و ممكن ازيد عليها بعدين اذا جربت شي حلو بعد
من رؤى الطبيعه كود الخصم NON

من ايهيرب كود الخصم wlc948

Nature's Gate, طبيعة الطفل (Nature Baby)، شامبو الطفل، 18 أوقية (532 مل)

  • العطر / العطر الطبيعي اللي انصح فيه خالي من اي كيماويات و كولونيا و كحول هو مزن ، اخترت ريحة الباودر جددا جميله للاطفال

body mist معطر طبيعي - MZN Bodycare

  • مسحات كحول طبيه أو أيونات الفضه / لتعقيم السره

Sovereign Silver, الغروية الحيوية النشطة الفضة حلالة القطارة-الأعلى، 10 صفحة في الدقيقة، 2 أونصة سائلة (59 مل)

التغذيه /

في كل قراراتك بالحياة هي إختيار لك الحريه بعمله أو لا ، إلا الرضاعه الطبيعيه أشوفها بوجهة نظري “إجبار“من حق طفلك لصحته و مستقبله و قوة مناعته و ذكاءه و لصحتك أنتي قوتك و استعادة رحمك بسرعه وكفاءه أفضل و لتواصل أفضل مع طفلك ، أشوفها مريحه أكثر من موضوع ( حطي معيار الحليب و خظي و وازني حرارة الماء و وقت الطلعه لما تاخذين عفش الرضاعه معك و تعقيم الرضاعات و الحلمات و وقت النوم قومي و حطي الحليب و اخلطيه و هالحوسه ) الرضاعه الطبيعيه حليبك جاهز و داخلك طول الوقت حرارته موزونه من ربي . طبعاً أتكلم عن المميزات من وجهة نظري ، النت مليان عن فوائد الرضاعه الطبيعيه للام و الطفل لا تحرمين نفسك و طفلك منه

فـ مارح اقدر أنصحك بماركه حليب معين لأني مااشوفه صحي ، مثل ماقالت مريم نور ” حليب البقر للبقر و حليب البشر للبشر ” عموماً أكثر حليب قريب من حليب الأم هو حليب الماعز لكني مالقيت فورمولا او تركيبه بدون اضافات كيميائيه و فيتامينات تتراكم بالجسم تسبب مشاكل .

  • رضاعه أو ببرونه / حتى لو ترضعين طبيعي خوذي منها احتياط للماء أو الأعشاب أو اذا بتعطينه من حليبك اللي شفطتيه له ، خوذي الزجاج أمن أكثر للطفل ، مايحتاج كثير ، ١ حبه ٦٠ مل و ١ حبه ١٢٠ مل ، الماركات كثير و منوعه خوذي اللي يناسبك ، افضل الماركات ايفينت و شيكو و تومي تيبي و بيجون
الحلمات المصنوعه من المطاط تجي لينه مره و قريبه لحلمة الام فيتقبلها الطفل اكثر اغلب الماركات توفرها
  • شفاطة الحليب / جربت شيكو و جربت ميديلا ، ميديلا كانت احسن بكثييير ، استخدمت اليدويه لأني ماكنت استخدمها كثير ، بس لما يزيد الحليب او يحتقن او اذا ابي اطلع و اخلي الطفل عند احد اشفط له و اخليه عنده ، لكن الموظفات و الطالبات اللي بتخلي طفلها وقت طويل برا كل يوم يمكن احسن لها الكهربائيه اريح لها خصوصا انها بتستخدمها بشكل دوري

رابطها مع كود الخصم wht369

  • أكياس أو علب لتخزين الحليب / أفضل شي الزجاجي ، لكن للاسف مالقيت ، فيه خيار علب بلاستيكيه أو أكياس ، المهم تكون خاليه من PBA و هذا السليم 

  • اللهايه أو المصاصه / بعد تعتبر خيار لها ايجابيات و سلبيات ، احد ايجابياتها انها بتريحك من بكاء الطفل اذا كان يبي ينام او يرضع ، و سلبياتها انه ممكن اذا تعود عليها صعب يتخلص منها ، بخصوص انها ممكن تغير شكل اللثه او الاسنان مافيه ابحاث اثبتت هالشي لحد الان ، اذا اخترتي استخدامها خوذي أكثر من شكل لأنه ممكن مايتقبل أي نوع
هذه من المطاط الطبيعي موجوده عند اغلب المحلات
  • غطاء الرضاعه  / اضافه كماليه ، تقدرين تغطين نفسك باي غطاء لكن وجود شي مثل الغطاء المخصص بيسهل لك الرضاعه بمكان برا البيت او اذا عندك احد اكثر ، اخترت هذا النوع من امازون او عند متجر اورجانيتشر ، مصنوع من القطن العضوي و مبطن بالرصاص عشان يحمي الطفل من الاشعاعات ، ممتاز اذا برضع طفلي و انا قاعده استخدم الجوال او اللاب توب اعرف انه طفلي بامان من الاشعاعات باذن ربي ، حتى كنت البسه وقت الحمل اغطي فيه بطني عشان احمي الجنين

Belly Armor Nursing Cover with Anti-Radiation Shielding Fabric (Mint)

  • عدة قص اظافر المولود / المقص اللي يجي مع العده اسهل بالقص من مقصات الاظافر العاديه ، و مهم يكون معها المبرد عشان تبردين اظافر الطفل و ماتصير حاده و يخدش نفسه .
  • مشط و فرشة شعر / الخشب افضل من البلاستيك و هذا النوع طبيعي و جميل و ناعم على الاطفال من ايهيرب
  • الكرسي الهزاز او السرير النهاري / هذا المنتج كثير حبيته ، تلقونه يمكن بالسوق او بامازون و انا اخذته من ممزوورلد ، يجي سرير نهاري و هزاز و يصير كرسي للطفل لين مايكبر ، اكثر من استخدام لنفس المنتج و هذا اللي احبه

  • العربه / فيه اشكاااال و ألواااان و اسعار كثيير منها ، تبدا من ٥٠ لين ٦ الاف ، المهم أنها تكون مريحه لك و انتي تدفينها و مريحه للطفل ، يكون استهلاكها عملي و تقعد عندك وقت طويل ” بعض العربيات تجي صغيره جدا بس اول شهرين و خلاص تصغر عالطفل ” فيه عربيات الحين تخدمك اكثر من خدمه بنفس العربه ” مكان لحمل الشنط – مكان للكوب – معها كرسي سياره – ملحق لحمل طفل اخر ” يفضل تاخذين العربيه اللي تخدمك اكثر من خدمه بنفس المنتج و مهم جدا تكون خفيفه بالحمل ، سهله الفتح و التسكير و و كفراتها مرنه و تتحرك معك بسرعه

 


وهذه كنت أهم الاحتياجات اللي ارشحها لكم من وجهة نظري و من منظور صحي قدر الامكان 

أتمنى تفيدكم أو تذكركم بقائمه المشتريات للي تفضلونها


ياااارب أني قدرت أغطي أغلب الاحتياجات للمواليد إذا نسيت شي ذكروني بنات 🙈
تمنياتي لكم بحياه كلها سعاده و ولاده سهله ميسره يارب❤

 

7 Comments

  1. السلام عليكم
    كم قطعه ملابس البس طفلي ب الشتاء عمره الحين شهر مثلا اكتفي بالبربتوز و اوفرول و لفه
    او كيف ؟

  2. الله يجزاك خير انا بكريه و محتارة مره اش اقضي لنونو و احس انك رتبتي افكاري
    شكرا ❤️❤️

  3. حبيبتي يعطيك العااااافية وفيتي وكفيتي

    بسالك عن غطاء الرضاعه المبطن برصاص مايكتم الطفل ؟؟ يعني يصير حاار يكتمه

Leave a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.