السلام عليكم و الرحمه

مره كنت بسوي باستا وجهزت اغراضها ، بس احترت ايش الصلصه اللي اسويها حمراء بالطماطم ؟ و لا بيضاء بالكريمه ؟

سألت زوجي قال كيفك

سألت عواطف ” بنتي الكبيره ” قالت بيضاء ، سألت جود ” حمراء ” أممم فقلت ندمج خيارات البنات ، و نسوي بينك باستا?

باستا مانحتاج فيها لحوم ، اجبان ، و مع صلصه غنيه و كريميه لذيذه

كثير يقولون مشكلتي هالمكرونات كل يوم اكلها و تسمنني ، شلون اسوي مكرونه بدون جبن

هالمكرونه ماتنتبهين انه مافيه جبن اصلا ، و تغذي ماتعتبر وجبه ثقيله و تخافين تسمنك ، و أكيد ماأشارككم ألا الأكل اللذيذ?

 

المكونات /

  • مكرونه بالشكل اللي تحبون ( استخدمت قمح كامل )
  • فطر طازج
  • كوسا
  • فليفله
  • بصل اخضر
  • بصله حمراء
  • هيليوم او اسبارغوس
  • صلصة طماطم
  • كريمة جوز الهند
  • م ك نشاء مذوب بماء بارد

الطريقه /

  1. نسلق المكرونه بماء و ملح
  2. نقطع الخضار بالشكل اللي حابين
  3. نحمس البصل بشوي زيت زيتون و نضيف باقي الخضار و نحرك مده دقيقتين
  4. نضيف صلصة الطماطم و كريمة جوز الهند و نخليه يتطابخ 10 دقائق على نار هاديه
  5. نضيف المزيج للباستا ونحرك و نخليه دقيقتين حتى يمتزج

يقدم و بالعافيه