السلام عليكم و الرحمه

و صباحكم صحه و نشاط

اليوم حبيت اعلمكم طريقة الشوفان بالتفصيل عشان تكونون بالصوره لأن للحين فيه ناس مايعرفون طريقة طبخه

طبعا الشوفان نحرص ناخذه كامل ( whole grain )

أما الشوفان الأبيض او الكويكر مايعتبر كامل القيمه الغذائيه

و الشوفان من الأشياء اللي نحاول قد مانقدر ناخذها عضويه لأنها تتأثر كثير بالكيماوي و المبيدات

عصيدة الشوفان من الوجبات المثاليه جدا جدا للفطور ، فيها كالسيوم مغنيسيوم فسفور و ممتازه للمعده و القولون و الجهاز الهضمي

و طبخها سهل و سريع جدا مو مثل ما البعض متخيل

 

/ المكونات

  • ثلاث ارباع ك شوفان
  • ك 1 ماء
  • م ك أي محلي طبيعي عندك ( استخدمت سكر جوز الهند )
  • ربع ك حليب نباتي ( استخدمت الصويا )

/ خيارات التغطيه

  • فواكه مجففه
  • عسل او شراب قيقب
  • فواكه بأنواعها
  • بذور
  • مكسرات
  • جوز هند مبشور

/ الطريقه

  1. نغلي الماء و المحلي
  2. اذا بدا يغلي نضيف الشوفان و نقصر النار
  3. نحركه و نخليه 10 دقائق أو أقل
  4. اذا بدا يثقل قوامه نضيف الحليب و نخليه على نار هاديه مدة دقيقتين
  5. يزين بالفواكه و المكسرات و يقدم

 

عوافي ياأبطال