4

مرحب

مع اني احب الطبخ كثر و أعده نوع من أنواع الفن لكني من الناس اللي ماأحب اقعد كثر بالمطبخ ، احس مضيعة وقت ?

و أؤمن بأني اقدر بوقت قصير بالمطبخ اني اطلع بطبق لذيذ جدا و مغذي احسن من لو اني اقعد بالساعات بالمطبخ

8_fotor

ميزة طبقنا اليوم انه سريع جدا

و بعتبر بديل لحمسة اللحم المفروم او الدجاج

لذيذ جدا مع الرز ، أو فوق السباغيتي او المكرونه ، أو مع البطاطس المهروس مثل ماسويت اليوم

6

و أقل من نص ساعه و انتي مسويه لنفسك أو لعائلتك طبق مليان قيم غذائيه و لذيذ جدا

بالنسبه للحمص ، اشتريه ناشف و اطبخ كل الكميه يقدر الضغط و بعدين احطه بعلبه و عالفريزر ، يصير اخذ الكميه اللي ابي وقت الحاجه

و اذا ماتوفر ألا المعلب ، نحاول ناخذ الانواع اللي معلبه بقزاز او كرتون و ننقعها نص إلى ربع ساعه عشان تطلع المواد الحافظه ، و مع الطبخ بعد بتطير المواد الحافظه

3

خلونا نروح للمقادير /

  • بصله مفرومه
  • م زيت ريتون
  • حبة طماطم كبيره مفرومه
  • كزبره مفرومه
  • علبة معجون طماطم
  • كوب او اكثر حمص مسلوق سابقا ( أو معلب لكن معلب بعلب قزاز او كرتون ، و منقوع بالماء ربع ساعه عشان تطلع منه المواد الحافظه )
  • بهاراتنا اللي نحب ( حطيت كركم ، بهار مخلوط ، بابريكا ، زعتر ، كمون ، كزبره )

1

الطريقه /

على نار وسط نضيف زيت الزيتون في مقلاة كبيره ثم نضيف البصل و نحركه لمدة دقيقتين ، ثم نضيف البهارات و الطماطم ، و نخليه يتسبك لـ 5 دقائق على نار وسط إلى هاديه

ثم نضيف معجون الطماطم و الحمص و م شووي ماء ، و نغطيه و نخليه 10 دقائق ثم يقدم

بالعافيه ?