عني

 

البطاقه الشخصيه :

إسمي نوره البدران

1992 ، متزوجه ، أم لثلاث جميلات و فهد

خريجة جامعة الملك عبدالعزيز ، تسويق

مدربه تغذيه شموليه مرخصه من IIN integrative nutrition

مدرب معتمد

بديت انقل تجاربي بالصحه و المعلومات اللي اقراها و اطبقها و الطبخات الصحيه اللي اسويها بالسناب تشات

و نقدر نقول هالمدونه خريجة سنابي اللي الكثير من متابعتي نصحوني افتحها لتوثيق ماكنت انقله في السناب

دائما أقرأ بكتب الصحه و دخلت دورة تغذيه و لازلت متعطشه للمزيد من هذا العلم ❤

أهتمامي بالصحه ؟

منذ الصغر و أنا اذا أحد قال لي هالشي صحي ، حبيته

يعني هالشي مو جديد علي تقريباً ?

لكن بدأت فيه فعلياً من بعد الحمل و الولاده ، و لما أنهك جسدي جدا و أنا بعمر صغير ، حسيت قد إيش احنا لازم تكون أجسامنا بكامل قوتها و عافيتها عشان نقدر نعيش صح

و نقدر نعطي و ننجز لهذه الدنيا و الآخره طبعاً ( و لجسدك عليك حق )

ومنها بديت النظام الصحي تماما و صرت ” أرحم ” جسدي و أجساد الأرواح اللي بأمانتي ( عائلتي ) و أهتم بتغذيتهم

و من بعدها تعمقت أكثر في عالم التشافي الطبيعي و سجلت في معهد iin و صرت أقدر أساعد الكل ليوصل لهدفه الصحي اللي أنا وصلت له

أؤمن بأنه مافيه مبدأ ” الموته وحده و خل نعيش حياتنا “

وإنما الحياه بسيطه وجميله و خل نعيشها بصحه و عافيه و قوه

اللي أحاول أنشره في هذه المدونه أنه الحياه الصحيه مو عباره عن مقادير مستورده و مكونات صعبه و حرمان من  الاستمتاع بالاكل اللذيذ و اللي نحبه

و إنما ببعض البدائل و الذكاء في الطبخ نقدر نخلي أكلنا #يغذي_ما_يأذي .

الحياة الصحيه سهله و جميله و مو معقده مثل ما الكل متوقع ، احنا نبي نرجع للفطره بس

الحديث بهذا الكلام يطول و رح اسولف لكم كثير عنه في التدوينات القادمه بإذن الله

 

انستقرام : @norahalbadran

سناب تشات : norah1albadran@

 

دمتم بود ?