السلام عليكم و الرحمه
في سنابي قاعده اتكلم عن اضرار الأجبان و بدائل الأجبان اللي دايم تسألوني عنها هذا أفضل بديل للجبن جربته من ضمن البدائل اللي دايم أسويها و أقربها لطعم اللبنه ?
و ماحد يختلف على فوائد الكاجو اللي فيه الحديد والنحاس، والمغنيسيوم، والزنك، والسيلينيوم، وكل من فيتامينات مجموعة B، مثل: البيرودكسين والرايبوفلافين، والبانتوثينيك، والثيامين، والنياسين. ومضادات الاكسدة مثل: بيروكسيديزات الجلوتاثيون، والفلافينويدات. بالاضافة لذلك الكاجو مصدر غني للاحماض الدهنية الاحادية الغير مشبعة، بحيث تشكل ما نسبته 75% من نسبة الدهون التي يحويها الكاجو، ومن امثلتها حمض الاوليك.
يعني ،، #يغذي_ما_يأذي .
خلينا بالطريقه السهله جدا جدا
المقادير /
- كاجو منقوع ١٢ ساعه او ليله
- م ص ملح ” استخدمت همالايا “
- عصرة ليمون
- سماق و زعتر
- زيت زيتون
بس
الطريقه /
نصفي الكاجو من الماء و نضيف الملح و الليمون و عالخلاط لين مايصير القوام كريمي
يكور و يغطى بالسماق او الزعتر و يوضع في برطمان و يغمر بزيت الزيتون و عالثلاجه
بالعافيه و الصحه و الهنا
ملاحظات على بعض الأسئله اللي جتني /
- لاتنقعين الكاجو اكثر من يوم عشان مايصير سائل بزياده و صعب يتكور معك
- حطي بيدك زيت قبل ماتكورينها عشان ماتتلزق بيدك
- خلال الخلط ممكن يتجمع الكاجو عالجوانب فـ يصير مايخلط ، توقفين الخلاط و تحركين الكاجو و ترجعين تكملين خلط عادي
- لازم زيت زيتون عشان يحفظه مارح يخليه دسم او غيره بالعكس محد يختلف على فوائد زيت الزيتون
- الزعتر اي نوع عادي ، هذاك اللي بسمسم او عشبه او مجفف راجع لك كيف تبين طعمه
- الكاجو نيئ
روبي
تسلمي عزيزتي. لكن ممكن استبدل الكاجو. بشي اخر مع ابني حساسيه منه !
ss
اشكرك كثييير كنت جالسه ادور على جبنه نباتيه وطلعتيلي…وحمستني اكثر تجارب الي سووها..ان شاءالله بسويها
nonetta
نورتيني ياذوق شكرا لطيب كلامك
حللوه فكرتك أسويها احيانا و اسهل من التكوير D:
ريم الشمري
هذا أول موضوع شفته بمدونتك كنت ادور بديل للجبن السايل الحمدلله اني شفت مدونتك أحلا صدفه وأحلا مدونه بالعالم وصفاتك رائعه جداً جداً جداً
استمري ياجميله واحتسبي الأجر بنفعك للناس لان هذا من العلم اللي ينتفع فيه ويستمر لك أجره إلى يوم البعث بإذن الله
طبقت الوصفه بس زدت عليها شويه ماء وشوي فلفل وصارت سايله شوي وحطيته بكاسات واعتمدناه خلاص هذا الجبن السايل حقنا إدمااااان صراحه خاصه مع التوست البر المحمص يمممي
nonetta
تنفع كثير بالطبخ و مع الساندويشات
عوافي عليك
nonetta
عوافي عليك و على اميرك الصغير
nonetta
ممكن يكون بسبب نوع الكاجو ، او انه الكاجو عفن خلال النقع بسبب الحر
أمل
جربتها وتفاجأت بالطعم اللي طلع لي ? صراحة مقبول جدًا كنت متخوفة ومب متقبلة. خصوصا مع الزعتر والفول السوداني عجيبة وكأنها جبنة مع ان طعمها من دون شي مايقرب من الجبن. المرة الجاية بستخدمها مع الطبخ
عوشه
اليوم طبقت وصفتج بالضبط بس زدت الأعشاب المجففة اللي عندي وطلع حلو والأهم انه ولدي عيبته
الله يزيدج من فضله اختي
DANAH
جربتها اليوم بس ابدا ماقدرت اتقبل طعمها حفظتها بزيت الزيتون ياليت لو تساعديني كيف اتقبل طعمها يمكن عملت شي غلط بالمقادير
nonetta
من ٥ ايام إلى اسبوع
و ممكن اكثر ، اذا خربت يبين من ريحتها و طعمها
nonetta
تقدرين ترجعين تستخدمينه مثل زيت منكه ، او تحطين فيه جبنة الكاجو مره ثانيه و او بالطبخ او فوق الفول و الحمص و غيره
سوكي
نوره بسألج عن بدائل الاجبان و الحليب بشكل عام كم مدة صلاحيتها ؟كم يوم ؟ ولا اسبوع ؟
حمسة الفاصوليا – مدونة نونيتا
[…] هي : قشطه ، عسل ، مخللات ، فول سوداني ، مربى ، جبنة كاجو ، جبن الزيتون ، زيتون ، خيار و طماط و نعناع ، زعتر ، حمص […]
Zemoo
جربتها ومره لذيييذه وطريقتها سهله وكلفتني ١٥ ريال بس ?? بس سؤالي زيت الزيتون اللي نقعت فيه الكاجو هل ارميه بعد مايخلص الكاجو ولا ارجع استخدمه ثاني للكاجو ؟
وشكرًا مره ?
nonetta
نيئ
Kawthar
لما رحت اشتري الكاجو سألني كأجر ني او بني انا ماعرفت ايش الصح
marwa
الحمد لله انى لقيت المدونة بتاعتك لانى بفكر اغير نظام أكلى وبدأت ابحث عن بدائل صحية من الخضروات بجد ميرسي ليكى ولوصفاتك الرائعة وارجوكى تستمرى لانك بتفيدى ناس كتير محتاجين لنصايحك
nonetta
اذا بتنشرينها بصفحتك بالسوشل ميديا طبعا حياك ، مع الحقوق طبعا
شكرا لأدبك ياحلوه
ريما
السلام عليكم
اشكرك على الوصفات .. هل مسموح لي انشرها او حقوقك محفوظة؟ طبعا راح اذكر المصدر
شكرا
حنووو
هل لازم اكورها او ممكن اخليها مثل جبن الكاسات
nonetta
يب لحاله
حياك
Princessa
جزاك الله خير مدونة رائعة جداً، عندي سؤال بعد مااصفئ منقوع الكاجو بالخلاط اخلطه لحاله بدون مااضيف شيء سائل ؟؟
nonetta
وياك يارب
صحيح هالكلام ، اذا خربت يبين بريحتها علطول
JoooJooo
ياعمرى انت جزاج الله الف خير الطريقة خطيره تينن وانا حيل حبيتها بس الاحظ انها تقعد وقت ماتخترب ممكن يوصل لعشر ايام بالثلاجه في برطمان زجاج مظبوط هالكلام اخاف تكون مختربه وانا مادرى؟؟؟؟
nonetta
الحمدلله انه شي من رسالتي وصل ، نورتيني كل يوم سيري XD
Raz
شكرًا على الوصفة يعطيكي العافية طبقتها اليوم يمي يمي جدا لذيذة ، والأحلى السهولة والبساطة في التطبيق
تغيرت طريقة مشترياتي ١٨٠ درجة بعد متابعتك ، جزاك الله خير يارب
nonetta
الحمدلله انه رسالتي قاعده توصل هالشي يسعدني
Gogo
السلام عليكم اختي نوره
طبقت الجبنه بالكاجو فعلاً لذيييذه ونزلتها بسنابي يعطيك العافيه ??
والحمدلله اللي ارجعنا عن المصنعات وبدلناها بالطبيعي شكرا لك كل الشكر ويجزاك خير حبيبتي ?
nonetta
حياك ياحلوه ، احيانا ماحط المعايير لأنها ترجع لذوق اللي بتطبقه ، هنا بالذات الملح حسب رغبتك اذا تبينه مالح او لا ، و الليمون كذلك
Maryam
اتمني ان يكون المقادير بالاكواب المعياريه او بالوزن
اتمني لك التوفيق
nonetta
انتي اجمل حبيبتي حياك و عوافي
Gogo
١٢نوفمبر ٢٠١٦
شكراً لوصفاتك الجميله اختي نوره جاري تطبيقها في سنابي مع تو ثيق اسمك انتي جميله
nonetta
لازم تحطين بيدك زيت عشان ماتتلصق بيدك
Ansoota
مراحب اختي
امس حاولت اعمل جبنه الكاجو
وحسيت انه صعب انه اكورها كان صعب علي ياريت تفيديتي
nonetta
حياك ياحلوه ، بشرينا اذا طبقتي 3>
Amal
شكراً ع الطريقة نورة ❤️ فكيتي ازمة ??
كنت ادور طريقه من كم يوم ومافي شي اعجبني ، بس هذي سهله والطعم ولا اروع ?