المقشوش

المقشوش هو أكله حايليه ( شمال السعويه )

لذيذه جدا و بسيطه ،، و مثل ماعودتكم اني ادخل بالاكل الشعبي بوصفاتي شوي لأنه هو الصحيح و و الفطري و الخالي من الاضافات الصناعيه

طعم المقشوش قريب من اللقيمات لكن على صحي و خفيف و بدون قلي

الحين صار فيه بعض الاضافات المستحدثه لهالوصفه اللي خلتها اقل صحيه مثل الحليب البودره و الطحين اللابيض و الكاسترد ،، أنا بسويه بالاضافات الحديثه الصحيه

المقادير /

  • ١ ١/٢ ك طحين بر
  • ١ م ك سكر جوز الهند
  • رشة ملح غير مكرر
  • م ك خميره
  • م ك زيت جوز الهند
  • ١ ك حليب جوز الهند
  • بيضه ( إختياري )

الطريقه /

  1. خلط جميع المقادير حتى تتجانس و تصير عجينه خفيف تتلصق شوي
  2. نخليها تخمر ساعه
  3. نحمي الصاج و ننقط العجينه فيه على شكل دوائر بالملعقه او باليد
  4. نخلي النار وسط إلى هاديه و نخليه لين يتحمر من تحت
  5. ندخله داخل الفرن عالعين اللي فوق مدة ٣ دقائق أو حتى يتحمر شووي
  6. أول مانطلعه نحطه بحافظه أو علبه مغلقه عشان ماينشف
  7. و نحليه بالعسل أو دبس التمر أو شراب القيقب و ممكن اضافة الزبده البلدي للي حابين

عوافي

4 comments

  • يعطييييك الف عافيه … المدونه بطله والوصفات متنووووعه .. باااااذن الله بجرب ذا المقشوش انا مااعرفه اول مره اسمع فيه بس دام شبيه بلقيمات بنحبه ?

  • كاتبه الأسباب في تدوينة ” الأجبان آفة العصر ”
    و هالمبدأ يرجع لقرار الشخص و تقبل جسمه لهالامور ، مو الكل يناسبهم فـ حبيت اركز على هالفئه
    نورتيني أسماء

  • السلام عليكم ورحمة الله وبركاته مساء الخير..ماشاءالله لاقوة إلا بالله مدونة رائعة وجهد جمييل خارق الله يجزاك الجنة على كل ماتقدميه … سؤالي هو لماذا الغياب التام للحليب واللبن ومشتقاته من وصفاتك ؟ هو نعمة من نعم الله علينا فهل لديكي مشكلة صحية او لسبب اخر…. الان يتوفر بالعديد من المحلات البان وحليب طبيعية غير معالجة بالهرمونات وعضوية … فهل لايناسبك الحليب؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.